Anasuya Bharadwaj | సాహసోపేత ఆధ్యాత్మిక ఇతివృత్తం.. అనసూయ భరద్వాజ్‌ నాగబంధం

పురాతన దేవాలయాల్లోని భూగర్భ నేలమాలిగల్లో దాచివుంచిన కోటానుకోట్ల సంపద పరిరక్షణార్థం తాంత్రిక శక్తిని నిక్షిప్తం చేసి, ఏర్పాటు చేసే నాగబంధం నేపథ్యంలో రూపొందుతోన్న సాహసోపేత ఆధ్యాత్మిక ఇతివృత్తం ‘నాగబంధం’.

పురాతన దేవాలయాల్లోని భూగర్భ నేలమాలిగల్లో దాచివుంచిన కోటానుకోట్ల సంపద పరిరక్షణార్థం తాంత్రిక శక్తిని నిక్షిప్తం చేసి, ఏర్పాటు చేసే నాగబంధం నేపథ్యంలో రూపొందుతోన్న సాహసోపేత ఆధ్యాత్మిక ఇతివృత్తం ‘నాగబంధం’. విరాట్‌కర్ణ కథానాయకుడిగా అభిషేక్‌ నామా దర్శకత్వంలో రూపొందుతోన్న ఈ చిత్రానికి కిశోర్‌ అన్నపురెడ్డి నిర్మాత.

ప్రస్తుతం ఈ సినిమా నిర్మాణదశలో ఉంది. ప్రమోషన్‌లో భాగంగా ఇందులో కీలక పాత్ర పోషిస్తున్న అనసూయ భరద్వాజ్‌ ఫస్ట్‌లుక్‌ను మేకర్స్‌ విడుదల చేశారు. అభిషేక్‌ నామా కథ, స్క్రీన్‌ప్లే ఈ సినిమాకు ప్రధాన బలమని, ఒక ఎపిక్‌ అడ్వెంచర్‌గా ఈ సినిమా ఉంటుందని నిర్మాత తెలిపారు.

తెలుగు, తమిళ, కన్నడ, మలయాళ, హిందీ భాషల్లో పానిండియా స్థాయిలో విడుదల కానున్న ఈ సినిమాలో నభా నటేష్‌, అశ్వర్య మీనన్‌ కథానాయికలు. జగపతిబాబు, రిషబ్‌ సహానీ, జయప్రకాష్‌, మురళీశర్మ తదితరులు ఇతర పాత్రధారులు. ఈ చిత్రానికి కెమెరా: సౌందర్‌రాజన్‌.ఎస్‌, సంగీతం: అభే, సమర్పణ: లక్ష్మి ఐరా అండ్‌ దేవాన్ష్‌, నిర్మాణం: NIK స్టూడియోస్‌ అండ్‌ అభిషేక్‌ పిక్చర్స్‌.