యాక్షన్‌ హంగామా

యువహీరో ఆనంద్‌ దేవరకొండ వరుస చిత్రాలతో బిజీగా ఉన్నారు. మంగళవారం ఆయన పుట్టిన రోజును పురస్కరించుకొని కొత్త చిత్రాల పోస్టర్స్‌ను విడుదల చేశారు. ‘గం గం..గణేశా’ పేరుతో తెరకెక్కిస్తున్న చిత్రానికి ఉదయ్‌శెట్టి దర్శకత్వం

యువహీరో ఆనంద్‌ దేవరకొండ వరుస చిత్రాలతో బిజీగా ఉన్నారు. మంగళవారం ఆయన పుట్టిన రోజును పురస్కరించుకొని కొత్త చిత్రాల పోస్టర్స్‌ను విడుదల చేశారు. ‘గం గం..గణేశా’ పేరుతో తెరకెక్కిస్తున్న చిత్రానికి ఉదయ్‌శెట్టి దర్శకత్వం వహిస్తున్నారు. కేదార్‌ సెలగంశెట్టి, వంశీ కారుమంచి నిర్మాతలు. ఈ సినిమా కొత్త పోస్టర్‌లో సరికొత్త లుక్స్‌తో కనిపిస్తున్నారు ఆనంద్‌ దేవరకొండ. యాక్షన్‌ అంశాలు కలబోసిన చిత్రమిదని దర్శకుడు తెలిపారు. ఇక ‘హైవే’ చిత్రాన్ని సైకో క్రైమ్‌ థ్రిల్లర్‌గా రూపొందిస్తున్నారు. కె.వి.గుహన్‌ దర్శకుడు. వెంకట్‌ తలారి నిర్మాత. ఈ సినిమా కొత్త పోస్టర్‌ కూడా విడుదలైంది. ‘ఆనంద్‌ దేవరకొండను వినూత్న కోణంలో ఆవిష్కరించే చిత్రమిది. ఆద్యంతం ఉత్కంఠభరితంగా ఉంటుంది’ అని దర్శకుడు తెలిపారు.