కొత్త కాన్సెప్ట్‌తో బడ్డీ తీశాం

‘ఏదైనా కొత్త పాయింట్‌తో సినిమా చేద్దామని ఎదురుచూస్తున్న సమయంలో ‘బడ్డీ’ కథ విన్నాను. చాలా బాగా నచ్చింది. ఇందులో నేను పైలైట్‌ పాత్రలో కనిపిస్తా. నా క్యారెక్టర్‌ పవర్‌ఫుల్‌గా ఉంటుంది’ అన్నారు అల్లు శిరీష్‌.

‘ఏదైనా కొత్త పాయింట్‌తో సినిమా చేద్దామని ఎదురుచూస్తున్న సమయంలో ‘బడ్డీ’ కథ విన్నాను. చాలా బాగా నచ్చింది. ఇందులో నేను పైలైట్‌ పాత్రలో కనిపిస్తా. నా క్యారెక్టర్‌ పవర్‌ఫుల్‌గా ఉంటుంది’ అన్నారు అల్లు శిరీష్‌. ఆయన హీరోగా నటించిన తాజా చిత్రం ‘బడ్డీ’ నేడు ప్రేక్షకుల ముందుకురానుంది. శామ్‌ ఆంటోన్‌ దర్శకత్వం వహించిన ఈ చిత్రాన్ని కేఈ జ్ఞానవేల్‌ రాజా నిర్మించారు. ఈ సందర్భంగా గురువారం అల్లు శిరీష్‌ పాత్రికేయులతో ముచ్చటించారు.

• దర్శకుడు శామ్‌ ఆంటోన్‌ ఈ కథ చెప్పడానికి నా దగ్గరకొచ్చినప్పుడు.. తమిళంలో ‘టెడ్డీ’ మూవీ వచ్చింది.. హాలీవుడ్‌లో కూడా ఆ కాన్సెప్ట్‌తో సినిమా ఉందని గుర్తుచేశాను. కథ విన్నాక వాటికంటే చాలా భిన్నంగా అనిపించింది. టెడ్డీబేర్‌కు ప్రాణం రావడం అనే ఒక్క పాయింట్‌ను మాత్రమే దర్శకుడు ‘టెడ్డీ’ మూవీ నుంచి తీసుకున్నాడు. మిగతాదంతా కొత్త కథ. యాక్షన్‌, ఎమోషన్‌ అంశాలతో ఆకట్టుకుంటుంది.
• తెలుగువాళ్లు సినిమా లవర్స్‌. ఇప్పటికీ థియేటర్స్‌లోనే సినిమాలను ఎంజాయ్‌ చేస్తారు. టికెట్‌ రేట్లు ఎక్కువగా ఉండటం చేత చాలా మంది సెకండ్‌వీక్‌లో సినిమాలకు వెళ్తున్నారు. అందుకే అందరికి అందుబాటు ధరల్లో ‘బడ్డీ’ చిత్రాన్ని ప్రేక్షకుల ముందుకు తీసుకొస్తున్నాం. తొలుత ఈ చిత్రాన్ని గత డిసెంబర్‌లోనే విడుదల చేయాలని ప్లాన్‌ చేశాం. గ్రాఫిక్స్‌ వర్క్‌లో క్వాలిటీ కోసం చాలా టైమ్‌ తీసుకున్నాం. అందుకే రిలీజ్‌ లేట్‌ అయింది.
• ఈ సినిమాలో కొంతపార్ట్‌ లవ్‌స్టోరీ కూడా ఉంటుంది. నాలుగు మేజర్‌ యాక్షన్‌ సీక్వెన్సెస్‌ హైలైట్‌గా అనిపిస్తాయి. మూడువేలకు పైగా సీజీ షాట్స్‌తో ఈ సినిమాను రూపొందించాం. బొమ్మకు ప్రాణం వస్తే ఎలా ఉంటుందనే పాయింట్‌ మీద ఈ సినిమా నడుస్తుంది. కాబట్టి ఇంటర్నేషనల్‌ స్టాండర్స్‌తో సీజీ షాట్స్‌ తీశాం. హిప్‌హాప్‌ తమిళ సంగీతం, బీజీఎమ్‌ మరోస్థాయిలో ఉంటుంది. నేను ఒకేసారి రెండుమూడు సినిమాలు చేయడాన్ని ఇష్టపడను. అందుకే నా సినిమాలు ఆలస్యం అవుతున్నాయి. తదుపరి చిత్ర వివరాల్ని త్వరలో తెలియజేస్తా.