Visit:
Akhil Akkineni | టాలీవుడ్‌ స్టార్‌ నటి సమంత (Samantha)పై తెలంగాణ మంత్రి కొండా సురేఖ (Minister Konda Surekha) చేసిన వ్యాఖ్యలు సినీ ఇండ‌స్ట్రీతోపాటు రాజకీయ వర్గాల్లో తీవ్ర దూమారం రేపుతున్నాయి. ఇప్పటికే మంత్రి వ్యాఖ్యలను పలువురు తీవ్రంగా తప్పుబట్టారు. తాజాగా నాగార్జున చిన్న కుమారుడు, నటుడు అఖిల్‌ అక్కినేని తీవ్రంగా స్పందించారు. ఈ మేరకు కొండా సురేఖపై తీవ్ర స్థాయిలో మండిపడ్డారు.
‘కొండా సురేఖ చేసిన నిరాధారమైన, హాస్యాస్పదమైన ప్రకటనలు అసభ్యకరంగా, జుగుప్సాకరంగా ఉన్నాయి. ప్రజా సేవకురాలిగా ప్రజలకు రక్షణ కల్పించాల్సిన ఆమె తన నైతికత, సామాజిక సంక్షేమాన్ని మరచిపోయింది. ఆమె ప్రవర్తించిన తీరు సిగ్గుచేటు, క్షమించరానిది. ఆమె వ్యాఖ్యలతో గౌరవనీయులైన పౌరులు, నిజాయితీగల కుటుంబ సభ్యులు గాయపడ్డారు. అగౌరవంగా మిగిలిపోయారు. ఆమె స్వార్థపూరితంగా గెలవడానికి ప్రయత్నిస్తున్న రాజకీయ యుద్ధంలో.. తన కంటే చాలా ఉన్నతమైన విలువలు, సామాజిక అవగాహన ఉన్న అమాయక వ్యక్తులపై సిగ్గు లేకుండా దాడి చేసి బలిపశువులను చేసింది. కుటుంబ సభ్యుడిగా, సినీ వర్గాల్లో సభ్యుడిగా నేను మౌనంగా ఉండను. ఇలాంటి నీచమైన వ్యాఖ్యలు చేసిన వ్యక్తిని శిక్షించాలి. మన సమాజంలో ఆమె లాంటి వాళ్లకు స్థానం లేదు.. గౌరవమూ లేదు’ అంటూ అఖిల్‌ తీవ్ర స్థాయిలో మండిపడ్డారు. ప్రస్తుతం అఖిల్‌ పోస్ట్‌ తెగ వైరల్‌గా మారింది.
The baseless and ridiculous statements made by Konda Surekha are vulgar and disgusting. Being a public servant who is expected to protect the people she has decided to forget her morals and social welfare. The way she has acted is shameful and unforgivable. There are respected…
— Akhil Akkineni (@AkhilAkkineni8) October 4, 2024
Also Read..
Samantha | దేవీ నవరాత్రి పూజల్లో పాల్గొన్న సమంత.. ఫొటోలు వైరల్‌
Bobby Deol | కంగువ విలన్‌ బాబీ డియోల్ సర్‌ప్రైజ్‌ అనౌన్స్‌మెంట్‌.. ALPHA ప్రాజెక్ట్‌ వివరాలివే
