Akhanda 2 | ‘అఖండ 2’లో బాలకృష్ణ డ్యూయల్ రోల్ .. ఎమ్మెల్యేగా కూడా క‌నిపించ‌నున్నారా?

Akhanda 2 |టాలీవుడ్ సీనియర్ హీరో నందమూరి బాలకృష్ణ వరుస హిట్స్‌తో మాస్ ఆడియన్స్‌ను ఆకట్టుకుంటున్నాడు. ఇటీవల సంక్రాంతి పండుగకు విడుదలైన ‘డాకు మహారాజ్’ తో మరోసారి తన సత్తాను చాటుకున్నాడు.

Akhanda 2 |టాలీవుడ్ సీనియర్ హీరో నందమూరి బాలకృష్ణ వరుస హిట్స్‌తో మాస్ ఆడియన్స్‌ను ఆకట్టుకుంటున్నాడు. ఇటీవల సంక్రాంతి పండుగకు విడుదలైన ‘డాకు మహారాజ్’ తో మరోసారి తన సత్తాను చాటుకున్నాడు. కలెక్షన్ల పరంగా ఈ మూవీ అద్భుత ఫలితాలు సాధించ‌గా, ఈ మూవీ త‌ర్వాత‌ ఆయన ‘అఖండ 2’ షూటింగ్‌లో బిజీగా ఉన్నాడు. 2021లో వచ్చిన బ్లాక్‌బస్టర్ ‘అఖండ’ కి సీక్వెల్‌గా రూపొందుతోన్న ఈ సినిమా, బోయపాటి శ్రీను దర్శకత్వంలో తెరకెక్కుతోంది. గతంలో బాలకృష్ణ-బోయపాటి కాంబినేషన్‌లో వచ్చిన ‘సింహా’, ‘లెజెండ్’, ‘అఖండ’ వంటి సినిమాలు సూపర్ హిట్స్ కావడం వల్ల ఈసారి కూడా భారీ అంచనాలు నెలకొన్నాయి.

ఇప్పటికే రిలీజ్ చేసిన గ్లింప్స్, టీజర్, పోస్టర్లు సినిమాపై ఫ్యాన్స్ అంచనాలను మరింత పెంచాయి. ‘అఖండ 2’లో బాలకృష్ణ డ్యూయల్ రోల్‌లో కనిపించనున్నాడు. ఇందులో ఒకటి అఘోర పాత్రగా, మరొకటి హిందూపురం ఎమ్మెల్యే మురళీకృష్ణ పాత్రగా ఉంటుందని టాలీవుడ్ వర్గాలు చెబుతున్నాయి. నిజ జీవితంలో ఎమ్మెల్యేగా ఉన్న బాలయ్య అదే తరహా పాత్రలో కనిపించబోతున్నాడనే వార్త సోషల్ మీడియాలో వైరల్‌గా మారింది. ఫ్యాన్స్ సోషల్ మీడియాలో “మన ఎమ్మెల్యే గారు రియల్ లైఫ్‌లోనే కాదు, రీల్ లైఫ్‌లో కూడా సర్వీస్ చేయబోతున్నారు” అని కామెంట్లు చేస్తున్నారు.

అఘోర పాత్రకు గతంలో ప్రేక్షకుల నుండి మంచి స్పందన రావడం వల్ల, ఈసారి కూడా బాలయ్య రెండు పాత్రల్లో వేర్వేరు షేడ్స్ చూపిస్తారని సినీ వర్గాలు చెబుతున్నాయి. చిత్రంలో యాక్షన్ సీన్స్, ఎమోషనల్ ఎలిమెంట్స్, బోయపాటి మార్క్ పవర్‌ఫుల్ డైలాగ్స్ ప్రేక్షకుల్ని ఆకట్టుకోనున్నాయి. 14 రీల్స్ ప్లస్ బ్యానర్‌పై రామ్ ఆచంట, గోపి ఆచంట సంయుక్తంగా నిర్మిస్తున్న ఈ సినిమా, హిమాలయాల నేపథ్యంతో ఉంటుంద‌ని తెలుస్తుంది. హృదయాన్ని కదిలించే సీన్స్, బాలయ్య ఎంట్రీ సీక్వెన్స్ ఫ్యాన్స్‌కు గూస్‌బంప్స్ తెప్పిస్తుందని మేకర్స్ చెబుతున్నారు.చాలాకాలంగా షూటింగ్ కొనసాగుతున్నా కొన్ని సన్నివేశాల కారణంగా విడుదల వాయిదా పడింది. మేకర్స్ డిసెంబర్ 5న సినిమా విడుదల చేయడానికి ఏర్పాట్లు చేస్తున్నారు.