సోషియో ఫాంటసీ అడ్వెంచర్‌ సుబ్రహ్మణ్య

ప్రముఖ డబ్బింగ్‌ ఆర్టిస్ట్‌, నటుడు పి.రవిశంకర్‌ స్వీయ దర్శకత్వంలో తన కుమారుడు అద్వయ్‌ని హీరోగా పరిచయం చేస్తూ రూపొందిస్తున్న సోషియో ఫాంటసీ అడ్వెంచర్‌ ‘సుబ్రహ్మణ్య’.

ప్రముఖ డబ్బింగ్‌ ఆర్టిస్ట్‌, నటుడు పి.రవిశంకర్‌ స్వీయ దర్శకత్వంలో తన కుమారుడు అద్వయ్‌ని హీరోగా పరిచయం చేస్తూ రూపొందిస్తున్న సోషియో ఫాంటసీ అడ్వెంచర్‌ ‘సుబ్రహ్మణ్య’. తిరుమల్‌రెడ్డి, అనిల్‌ కడియాల నిర్మాతలు. ఈ సినిమా 60శాతం చిత్రీకరణ పూర్తి చేసుకున్నది. వినాయకచవితి పర్వదినం సందర్భంగా ఈ చిత్రం ఫస్ట్‌లుక్‌ పోస్టర్‌ని మేకర్స్‌ విడుదల చేశారు.

కన్నడ అగ్రహీరో డా.శివరాజ్‌కుమార్‌ లాంచ్‌ చేసిన ఈ పోస్టర్‌లో హీరో అద్వయ్‌ని ‘సుబ్రహ్మణ్య’గా పరిచయం చేశారు. పొడవాటి జుత్తు, గడ్డం, ప్రత్యేకంగా డిజైన్‌ చేసిన వస్ర్తాలతో అద్వయ్‌ లుక్‌ ఆకర్షణీయంగా ఉంది. ఈ సినిమా పోస్ట్‌ ప్రొడక్షన్‌ కార్యక్రమాలు ముంబయిలోని రెడ్‌చిల్లీస్‌ స్టూడియోలో శరవేగంగా జరుగుతున్నాయి.

ముంబై, హైదరాబాద్‌, బెంగళూర్‌, చెన్నైకి చెందిన ప్రముఖ స్డూడియోలలో వీఎఫ్‌ఎక్స్‌ అండ్‌ సీజీ పనులు జరుగుతున్నాయి. ఈ చిత్రానికి కెమెరా: విఘ్నేష్‌ రాజ్‌, సంగీతం: రవి బస్రూర్‌, సమర్పణ: ప్రవీణ కడియాల, రామలక్ష్మి, నిర్మాణం: ఎస్‌జీ మూవీ క్రియేషన్స్‌.