సాహసాల సుబ్రహ్మణ్య

ప్రముఖ డబ్బింగ్‌ ఆర్టిస్ట్‌, నటుడు పి.రవిశంకర్‌ తన కుమారుడు అద్వయ్‌ని హీరోగా పరిచయం చేస్తూ స్వీయ దర్శకత్వంలో తెరకెక్కిస్తున్న సోషియో ఫాంటసీ అడ్వెంచర్‌ ‘సుబ్రహ్మణ్య’.

ప్రముఖ డబ్బింగ్‌ ఆర్టిస్ట్‌, నటుడు పి.రవిశంకర్‌ తన కుమారుడు అద్వయ్‌ని హీరోగా పరిచయం చేస్తూ స్వీయ దర్శకత్వంలో తెరకెక్కిస్తున్న సోషియో ఫాంటసీ అడ్వెంచర్‌ ‘సుబ్రహ్మణ్య’. తిరుమల్‌రెడ్డి, అనిల్‌ కడియాల నిర్మాతలు. దుబాయ్‌లో జరిగిన ప్రముఖ అవార్డు ఫంక్షన్‌లో ఈ సినిమా గ్లింప్స్‌ని మేకర్స్‌ లాంచ్‌ చేశారు. విషపూరిత పాములతో నిండిన బావిలోకి అద్వయ్‌ జంప్‌ చేయడంతో టీజర్‌ ఓపెన్‌ అయ్యింది. అతను దొంగచాటుగా లోపలికి ప్రవేశించి, ఓ పురాతన పుస్తకాన్ని చేతిలోకి తీసుకున్నాడు.

ఇంతలో పాములన్నీ అతడ్ని వెంబడించాయి. అద్వయ్‌ పరిగెత్తడం మొదలుపెట్టాడు. వీఎఫ్‌ఎక్స్‌, ఎనిమేషన్స్‌ హైలైట్‌గా ఆద్యంతం ఈ గ్లింప్స్‌ సాగింది. ఈ గ్లింప్స్‌లో భగవాన్‌ శ్రీరాముడు కనిపించిన చివరి సీక్వెన్స్‌ ప్రత్యేకంగా నిలుస్తుంది. తెలుగు, కన్నడ, తమిళ, మలయాళ, హిందీ భాషల్లో పానిండియా స్థాయిలో విడుదల కానున్న ఈ సినిమాకు కెమెరా: విఘ్నేష్‌ రాజ్‌, సంగీతం: రవి బస్రూర్‌, సమర్పణ: ప్రవీణ కడియాల, రామలక్ష్మి, నిర్మాణం: ఎస్‌.జి.మూవీ క్రియేషన్స్‌.