G2 Movie | టాలీవుడ్ యాక్టర్ అడివిశేష్ నటిస్తున్న తాజా చిత్రం ‘జీ 2’(G2). శేష్ హీరోగా శశి కిరణ్ టిక్కా తెరకెక్కించిన ‘గూఢచారి’ (Gudachari2) బాక్సాఫీసు వద్ద హిట్గా నిలిచిన సంగతి తెలిసిందే. 2018లో విడుదలైన ఈ సినిమాకి కొనసాగింపుగా ‘జీ2’ చిత్రాన్ని తెరకెక్కిస్తున్నారు. ఈ సినిమాకు వినయ్ కుమార్ దర్శకత్వం వహించనుండగా.. ప్రస్తుతం ప్రీ ప్రోడక్షన్ పనుల్లో బిజీగా ఉంది. ఈ క్రమంలోనే అభిమానులకు గుడ్ న్యూస్ చెబుతూ.. మేకర్స్ సాలిడ్ అప్డేట్ ఇచ్చారు.
తాజాగా ఈ సినిమా షూటింగ్ ప్రారంభమైనట్లు అడివి శేష్ సోషల్ మీడియా ద్వారా ప్రకటించాడు. ఈ సందర్భంగా ‘జీ2’ నుంచి ప్రీ లుక్ పోస్టర్ను రిలీజ్ చేశారు. ఇక ఈ పోస్టర్ బ్యాక్గ్రౌండ్లో త్రినేత్ర ఏజెన్సీ ఉండగా.. షూటింగ్ స్టార్ అయినట్లు తెలుపుతున్నట్లు ఉంది.
MASSIVE.
This is how we do it. #G2 ❤️🔥#Goodachari2 pic.twitter.com/1HyWpLQtcK— Adivi Sesh (@AdiviSesh) December 11, 2023
మరోవైపు ఈ బ్లాక్బస్టర్ సీక్వెల్లో అడివిశేష్కు జోడీగా బాలీవుడ్ స్టార్ నటి బనితా సంధు నటించనుంది. బనితా సంధు బాలీవుడ్ మూవీ అక్టోబర్ సినిమాతో హీరోయిన్గా ఎంట్రీ ఇచ్చి తొలి సినిమాతోనే మంచి గుర్తింపు తెచ్చుకుంది. తాజాగా ‘జీ2’ సినిమాతో టాలీవుడ్లోకి ఎంట్రీ ఇవ్వబోతున్నది. ఇక ఈ సీక్వెల్ను పీపుల్స్ మీడియా ఫ్యాక్టరీ, అభిషేక్ అగర్వాల్ ఆర్ట్స్ బ్యానర్లపై టీవీ విశ్వప్రసాద్, అభిషేక్ అగర్వాల్ సంయుక్తంగా నిర్మిస్తున్నారు.