Aditya Dhar | రణవీర్ సింగ్ ‘దురంధర్’ బ్లాక్‌బస్టర్ జోరు.. హృతిక్ కామెంట్స్ వివాదం, సీక్వెల్‌పై ఆదిత్య ధర్ క్లారిటీ

Aditya Dhar | బాలీవుడ్ లేటెస్ట్ బ్లాక్‌బస్టర్‌గా ‘దురంధర్’ దూసుకుపోతోంది. స్టార్ హీరో రణవీర్ సింగ్ కథానాయకుడిగా, ‘URI’ ఫేమ్ ఆదిత్య ధర్ దర్శకత్వంలో తెరకెక్కిన ఈ యాక్షన్ ఎంటర్టైనర్‌పై మొదటినుంచే భారీ అంచనాలు నెలకొన్నాయి. ఆ అంచనాలను నిజం చేస్తూ సినిమా ప్రేక్షకుల నుంచి పాజిటివ్ రెస్పాన్స్ అందుకుంది. ఫలితంగా కలెక్షన్లు కూడా బలంగా నమోదవుతున్నాయి.

Aditya Dhar | బాలీవుడ్ లేటెస్ట్ బ్లాక్‌బస్టర్‌గా ‘దురంధర్’ దూసుకుపోతోంది. స్టార్ హీరో రణవీర్ సింగ్ కథానాయకుడిగా, ‘URI’ ఫేమ్ ఆదిత్య ధర్ దర్శకత్వంలో తెరకెక్కిన ఈ యాక్షన్ ఎంటర్టైనర్‌పై మొదటినుంచే భారీ అంచనాలు నెలకొన్నాయి. ఆ అంచనాలను నిజం చేస్తూ సినిమా ప్రేక్షకుల నుంచి పాజిటివ్ రెస్పాన్స్ అందుకుంది. ఫలితంగా కలెక్షన్లు కూడా బలంగా నమోదవుతున్నాయి. యాక్షన్ డ్రామాగా రూపొందిన ‘దురంధర్’ విడుదలైన కేవలం ఏడూ రోజుల్లోనే రూ.27 కోట్లకు పైగా వసూళ్లు సాధించి సూపర్ హిట్‌గా నిలిచింది. వర్డ్ ఆఫ్ మౌత్ బలంగా ఉండటంతో రానున్న రోజుల్లో కలెక్షన్లు మరింత పెరిగే అవకాశముందని ట్రేడ్ వర్గాలు అంచనా వేస్తున్నాయి.

ఇదిలా ఉండగా, ఈ సినిమాపై బాలీవుడ్ స్టార్ హృతిక్ రోషన్ చేసిన వ్యాఖ్యలు చర్చనీయాంశంగా మారాయి. ‘దురంధర్’ సినిమా చూసిన అనంతరం ఆయన మాట్లాడుతూ, “సినిమా పరంగా బాగుంది కానీ అందులో చూపించిన కొన్ని రాజకీయ అంశాలను నేను అంగీకరించను” అంటూ వ్యాఖ్యానించారు. ఈ కామెంట్స్ సోషల్ మీడియాలో వైరల్ కావడంతో హృతిక్‌పై నెటిజన్లు పెద్ద ఎత్తున ట్రోలింగ్ చేశారు. దీనిపై సోషల్ మీడియా వేదికగా స్పందించిన హృతిక్ రోషన్ తన వ్యాఖ్యలకు వివరణ ఇచ్చారు. “‘దురంధర్’ సినిమా నా హృదయానికి హత్తుకుంది. ఆదిత్య ధర్ ఈ చిత్రాన్ని అద్భుతంగా తెరకెక్కించాడు” అంటూ ప్రశంసలు కురిపించారు. దీంతో హృతిక్ వ్యాఖ్యలపై నెలకొన్న వివాదం కొంతవరకు సద్దుమణిగినట్లు కనిపిస్తోంది.

హృతిక్ చేసిన తాజా పోస్ట్‌పై దర్శకుడు ఆదిత్య ధర్ కూడా స్పందించారు. “సినిమాపై మీరు చూపించిన ప్రేమకు నా ధన్యవాదాలు. ఈ సినిమా కోసం ప్రతి ఒక్కరూ వంద శాతం కష్టపడ్డారు. మీ ప్రశంసలకు అందరూ అర్హులే. ‘దురంధర్’కి సీక్వెల్ కూడా ఉంది. అది తెరకెక్కించే సమయంలో అందరి సూచనలను పరిగణలోకి తీసుకుంటాం” అంటూ ఆయన పేర్కొన్నారు. దీంతో ‘దురంధర్’ సీక్వెల్‌పై ఆదిత్య ధర్ చేసిన వ్యాఖ్యలు ఇప్పుడు సోషల్ మీడియాలో వైరల్ అవుతున్నాయి. మొత్తంగా, ‘దురంధర్’ బాక్సాఫీస్ విజయంతో పాటు, హృతిక్ కామెంట్స్–సీక్వెల్ అప్‌డేట్ కారణంగా మరోసారి వార్తల్లో నిలిచింది.