Simbu | పవన్‌కల్యాణ్‌ సినిమాలో పాట పాడనున్న తమిళ హీరో

తమిళ హీరో శింబుకి పాటలు పాడటంలో కూడా చక్కటి ప్రావీణ్యం ఉన్న విషయం తెలిసిందే. తమిళ, తెలుగు భాషల్లో ఆయన ఇప్పటికే తనదైన గాత్రంతో సంగీత ప్రియుల్ని ఆకట్టుకున్నారు. తాజాగా ఆయన పవన్‌కల్యాణ్‌ ‘ఓజీ’ (ఒరిజినల్‌ గ్యాంగ్‌స్టర్‌) చిత్రంలో ఓ పాటను ఆలపించారు. ఈ విషయాన్ని చిత్ర సంగీత దర్శకుడు తమన్‌ ఇటీవల ఓ ఇంటర్వ్యూలో వెల్లడించారు.

Simbu | తమిళ హీరో శింబుకి పాటలు పాడటంలో కూడా చక్కటి ప్రావీణ్యం ఉన్న విషయం తెలిసిందే. తమిళ, తెలుగు భాషల్లో ఆయన ఇప్పటికే తనదైన గాత్రంతో సంగీత ప్రియుల్ని ఆకట్టుకున్నారు. తాజాగా ఆయన పవన్‌కల్యాణ్‌ ‘ఓజీ’ (ఒరిజినల్‌ గ్యాంగ్‌స్టర్‌) చిత్రంలో ఓ పాటను ఆలపించారు. ఈ విషయాన్ని చిత్ర సంగీత దర్శకుడు తమన్‌ ఇటీవల ఓ ఇంటర్వ్యూలో వెల్లడించారు. ‘ఓజీ’ చిత్రంలో శింబు పాట పాడనున్నారని గతంలోనే వార్తలొచ్చాయి. తాజాగా తమన్‌ ప్రకటనతో అది నిజమని రుజువైంది.

‘ఫైర్‌ స్ట్రామ్‌’ పేరుతో కంపోజ్‌ చేసిన ఈ పాటకు శింబు వాయిస్‌ హైలైట్‌గా నిలుస్తుందని మేకర్స్‌ తెలిపారు. ‘ఓజీ’ సినిమా షూటింగ్‌ పునఃప్రారంభమైన తర్వాత ఈ పాటను విడుదల చేస్తామని మేకర్స్‌ తెలిపారు. సుజీత్‌ దర్శకత్వం వహిస్తున్న ఈ చిత్రంలో ప్రియాంక అరుళ్‌ మోహన్‌, ఇమ్రాన్‌ హష్మీ, అర్జున్‌దాస్‌, ప్రకాష్‌రాజ్‌ తదితరులు ముఖ్యపాత్రలను పోషిస్తున్నారు. ఇంకా కొంతభాగం చిత్రీకరణ మిగిలి వుంది. రాజకీయ కార్యకలాపాలకు కాస్త విరామం ప్రకటించి త్వరలో ఈ సినిమా షూట్‌లో పవన్‌కల్యాణ్‌ జాయిన్‌ అయ్యే అవకాశాలున్నాయని తెలిసింది.