ఆకాశ్పూరీ (Akash Puri) హీరోగా నటిస్తోన్న తాజా చిత్రం చోర్ బజార్ (Chor Bazaar). జూన్ 24న ప్రేక్షకుల ముందుకు రాబోతుంది. జార్జిరెడ్డి ఫేం జీవన్ రెడ్డి (B.Jeevan Reddy) డైరెక్ట్ చేస్తున్న ఈ మూవీ రిలీజ్ ట్రైలర్ ను లాంఛ్ చేశారు మేకర్స్. ‘గాడ గంతమంది సెక్యూరిటీ ఉండంగా..డూప్లికేట్ పెట్టి ఒరిజినల్ దొబ్బిన్రు. కనవడితే కాల్చిపడేయిన్ని కొడుకుల్ని’ అంటూ తెలంగాణ యాసలో సునీల్ చెబుతున్న సంభాషణలతో షురూ అయిన ట్రైలర్..డైమండ్ చుట్టూ తిరిగే కథాంశంతో, యాక్షన్, లవ్, ఎమోషన్స్ కలయికతో సాగుతుంది.
రొమాంటిక్ యాక్షన్ ఎంటర్టైనర్గా వస్తున్న ఈ చిత్రంలో గెహనా సిప్పి (Gehnna Sippy) హీరోయిన్గా నటిస్తుంది. సురేష్ బోబ్బిలి ఈ చిత్రానికి మ్యూజిక్ డైరెక్టర్. ఈ సినిమాతో సీనియర్ స్టార్ హీరోయిన్ ఊర్వశి అర్చన టాలీవుడ్కు రీ ఎంట్రీ ఇస్తుంది. సుబ్బరాజు, సునీల్, సంపూర్ణేశ్ బాబు కీలక పాత్రల్లో నటిస్తున్నారు. వీ ప్రొడక్షన్స్ బ్యానర్పై వీఎస్ రాజు నిర్మిస్తుండగా..అల్లూరి సురేశ్ వర్మ కో ప్రొడ్యూసర్గా వ్యవహరిస్తున్నారు.