రవితేజను కొత్తగా చూస్తారు

రవితేజ హీరోగా నటించిన సినిమా ‘రావణాసుర’. అనూ ఇమ్మాన్యుయేల్‌, మేఘా ఆకాష్‌, ఫరియా అబ్దుల్లా, దక్ష నగార్కర్‌, పూజిత పొన్నాడ నాయికలుగా నటిస్తున్నారు.

రవితేజ హీరోగా నటించిన సినిమా ‘రావణాసుర’. అనూ ఇమ్మాన్యుయేల్‌, మేఘా ఆకాష్‌, ఫరియా అబ్దుల్లా, దక్ష నగార్కర్‌, పూజిత పొన్నాడ నాయికలుగా నటిస్తున్నారు. సుశాంత్‌ కీలక పాత్రను పోషిస్తున్నారు. అభిషేక్‌ పిక్చర్స్‌, ఆర్‌టీ టీం వర్క్స్‌ బ్యానర్స్‌ పై అభిషేక్‌ నామా ఈ చిత్రాన్ని నిర్మిస్తున్నారు. సుధీర్‌ వర్మ దర్శకుడు. ఈ నెల 7న ఈ సినిమా విడుదల కానుంది. ఈ సందర్భంగా చిత్ర విశేషాలు తెలిపారు నిర్మాత అభిషేక్‌ నామా. ఆయన మాట్లాడుతూ…‘ఈ కథను రవితేజ ఫైనల్‌ చేసి నన్ను పిలిచి సినిమా చేద్దామని చెప్పారు. ఆయన కూడా నిర్మాణంలో భాగస్వామి అయ్యారు. ఈ కథ విన్నప్పటి నుంచే విజయంపై నమ్మకంగా ఉన్నాం. ఇంతవరకు రవితేజ ఈ తరహా సినిమాలో నటించలేదు. ఈ సినిమా చూసిన తర్వాత రవితేజ ఇలా కూడా నటించగలరా? అని ప్రేక్షకులు ఆశ్చర్యపోతారు. కొత్త కాన్సెప్ట్‌ సినిమా ఇది. ఇంటర్వెల్‌ ఆశ్చర్యపరుస్తుంది. ఈ చిత్రం విజయవంతం అయ్యాక మరికొందరు పెద్ద హీరోలు ఈ తరహా చిత్రాల్లో నటించేందుకు ముందుకొస్తారు. ఇది థ్రిల్లర్‌ జానర్‌ సినిమా కాబట్టి ముందుగా ఏ విషయాన్నీ బయటకు రానివ్వడం లేదు. దర్శకుడు సుధీర్‌ వర్మ పనితనం ఆకట్టుకుంటుంది. ప్రస్తుతం మా సంస్థలో ‘ప్రేమ విమానం’, కళ్యాణ్‌ రామ్‌తో ‘డెవిల్‌’ చిత్రాలు నిర్మిస్తున్నాం. ‘డెవిల్‌’కు సీక్వెల్‌ కూడా ఉంటుంది.’ అన్నారు.