బడ్జెట్లో ఐటీ రిలీఫ్?
రాబోయే బడ్జెట్లో మధ్యతరగతి వేతన జీవులకు ఆదాయ పన్ను (ఐటీ) ఊరట లభించే అవకాశాలున్నాయన్న అంచనాలు వినిపిస్తున్నాయి.
- జీరో ట్యాక్స్ శ్లాబును పెంచే అవకాశం
- రూ.3-7 లక్షల శ్రేణిని కుదించవచ్చన్న అంచనాలు
న్యూఢిల్లీ, డిసెంబర్ 10: రాబోయే బడ్జెట్లో మధ్యతరగతి వేతన జీవులకు ఆదాయ పన్ను (ఐటీ) ఊరట లభించే అవకాశాలున్నాయన్న అంచనాలు వినిపిస్తున్నాయి. వచ్చే ఆర్థిక సంవత్సరానికి (2025-26)గాను ఫిబ్రవరి 1న పార్లమెంట్లో కేంద్ర ఆర్థిక శాఖ మంత్రి నిర్మలా సీతారామన్ బడ్జెట్ను ప్రవేశపెట్టనున్నారు. ఈ క్రమంలోనే కొత్త పన్ను విధానంలో ఐటీ రిలీఫ్ చాన్స్ ఉందన్న అంచనాలు వస్తున్నాయి. ప్రస్తుతం పాత, కొత్త పన్ను విధానాలు అమల్లో ఉన్న విషయం తెలిసిందే. అయితే గత కొన్నేండ్లుగా పాత పన్ను విధానంలో పెద్దగా మార్పులు చేయని మోదీ సర్కారు.. కొత్త పన్ను విధానాన్నే సవరిస్తున్నది. ఇందులో భాగంగానే ఈసారి జీరో ట్యాక్స్ శ్లాబును పెంచే అవకాశాలున్నట్టు చెప్తున్నారు.
ఇదీ సంగతి..
ఇప్పుడు కొత్త పన్ను విధానంలో రూ.3 లక్షలదాకా వార్షిక ఆదాయం ఉన్నవారికి ఎలాంటి పన్నులూ లేవు. రూ.3-7 లక్షల మధ్య ఉంటే 5 శాతం పడుతున్నది. అయితే దీనికీ సెక్షన్ 87ఏ కింద ట్యాక్స్ రిబేటున్నది. కానీ దీంతో సంబంధం లేకుండా రూ.4 లేదా 5 లక్షలదాకా ఎలాంటి పన్నులూ ఉండబోవన్న ప్రకటన ఆర్థిక శాఖ నుంచి రావచ్చన్న అభిప్రాయాలు వ్యక్తమవుతున్నాయి. ఈ క్రమంలో ఇప్పుడున్న రూ.3-7 లక్షల శ్లాబును ఆ మేరకు అంటే రూ.4-7 లక్షలు లేదా రూ.5-7 లక్షలకు తగ్గించవచ్చన్న ఊహాగానాలు వినిపిస్తున్నాయి.
బడ్జెట్లో ప్రతిపాదించిన ఐటీ మార్పులు
కొత్త పన్ను విధానంలో ఆదాయ పన్ను శ్లాబుల్లో కేంద్ర ఆర్థిక శాఖ మంత్రి నిర్మలా సీతారామన్ ఈ ఏడాది బడ్జెట్లో కొన్ని మినహాయింపుల్ని ప్రకటించారు. వాటిలో..
- ఉద్యోగులు, పెన్షనర్లకు స్టాండర్డ్ డిడక్షన్ పరిమితి రూ.50వేల నుంచి రూ.75వేలకు పెంపు.
- ఫ్యామిలీ పెన్షనర్లకు స్టాండర్డ్ డిడక్షన్ పరిమితి రూ.15వేల నుంచి రూ.25వేలకు పెంపు.
- ప్రైవేట్ రంగ ఉద్యోగులకు సంస్థలు చేసే ఎన్పీఎస్ విరాళాలపై డిడక్షన్ 10 శాతం నుంచి 14 శాతానికి పెంపు.

Read Today's Latest Business News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

