IT Act 80C | రూ.1.5 ల‌క్ష‌ల‌కు 80సీ కింద ప‌న్ను ఆదా లిమిట్.. ఏయే మార్గాల్లో చేయొచ్చంటే..?!

IT Act 80C | ఐటీ చ‌ట్టం-1961 80సీ సెక్ష‌న్ కింద ప‌న్ను ఆదా లిమిట్ రూ. 1.5 లక్షల వరకు ఉంది.

IT Act 80C | ప్రస్తుత ఆర్థిక సంవత్సరం (2022-23) ముగుస్తోంది. మరో మూడు, నాలుగు రోజుల్లో 2023-24 ఆర్థిక సంవత్సరం మొదలవ్వబోతున్నది. ఈ ఏడాదికి ఐటీ రిటర్న్స్ దాఖలు చేసేవారు తమ పన్ను మినహాయింపు కోసం క్లయిమ్ చేసుకుంటారు. ప‌న్ను చెల్లింపు దారుల‌కు ఆదా మార్గం.. ఆదాయం ప‌న్ను చ‌ట్టంలోని 80సీ సెక్ష‌న్ ఉండేది. 2013-14 వ‌ర‌కు ప్ర‌తియేటా గ‌రిష్ఠంగా రూ.ల‌క్ష వ‌ర‌కు మాత్ర‌మే. 2014-15లో దాని ప‌రిమితి రూ.1.5 ల‌క్ష‌ల‌కు పెంచేశారు. నాటి నుంచి ఏడేండ్లుగా ఇదే ప‌రిమితి కొన‌సాగుతున్న‌ది.  

భారీగా పెరిగిన ఖ‌ర్చులు.. ధ‌ర‌లు

2014-15 నుంచి ప‌లు ఖ‌ర్చులు పెరిగాయి.. వేత‌న జీవుల వేత‌నాలు.. అల‌వెన్స్‌లు పెరిగాయి. వాటితోపాటు నిత్యావ‌స‌ర వ‌స్తువుల ధ‌ర‌లు కూడా పెరిగాయి. కానీ ఇన్‌కం టాక్స్ యాక్ట్‌లో 80సీ సెక్ష‌న్ కింద బెనిఫిట్ మాత్రం పెంచ‌లేదు.  

80సీ సెక్ష‌న్ కింద బెనిఫిట్స్ ఏమిటంటే.

• వ్య‌క్తులు, హిందూ అవిభాజ్య కుటుంబాలు (హెచ్‌యూఎఫ్‌) మాత్ర‌మే 80సీ కింద ప‌న్ను మిన‌హాయింపు కోరేవి. ప‌న్ను ఆదాకు అత్యంత ప్ర‌జాద‌ర‌ణ పొందిన సెక్ష‌న్ ఇది.
  *వ్య‌క్తులు కొన్ని పొదుపు ప‌థ‌కాల కింద ఇన్వెస్ట్‌మెంట్లు, కొన్ని ప్ర‌త్యేక‌మైన ఖర్చుల‌కు మిన‌హాయింపు కోర‌తారు.
• ఒక‌టి కంటే ఎక్కువ పొదుపు ప‌థ‌కాల కింద గ‌రిష్ఠంగా రూ.1.5 ల‌క్ష‌ల వ‌ర‌కు ప‌న్ను పొదుపు చేయొచ్చు.

80సీ సెక్ష‌న్ కింద ప‌న్ను డిడ‌క్ష‌న్‌ మార్గాలు

• లైఫ్ ఇన్సూరెన్స్ ప్రీమియం చెల్లింపు
• ప‌బ్లిక్ ప్రావిడెండ్ ఫండ్‌లో కంట్రిబ్యూష‌న్‌
• ఎంప్లాయిస్ ప్రావిడెండ్ ఫండ్‌, వాలంట‌రీ ప్రావిడెండ్ ఫండ్‌లో కంట్రిబ్యూష‌న్స్‌
• ఇంటి రుణంపై ప్రిన్సిప‌ల్ అమౌంట్ రీపేమెంట్‌
• ఇల్లు కొనుగోలు కోసం స్టాంప్ డ్యూటీ రిజిస్ట్రేష‌న్ చార్జీల చెల్లింపు
• ఈఎల్ఎస్ఎస్ లేదా టాక్స్ సేవింగ్ మ్యూచువ‌ల్ ఫండ్స్‌లో పెట్టుబ‌డులు
• సుకన్య స‌మృద్ధి ఖాతాలో పెట్టుబ‌డులు
• పిల్ల‌ల విద్యా సంస్థ‌ల ట్యూష‌న్ ఫీజు చెల్లింపులు
• పోస్ట‌ల్ ఫిక్స్‌డ్ డిపాజిట్ లేదా ఐదేండ్ల టాక్స్ సేవింగ్స్ బ్యాంకులో ఇన్వెస్ట్‌మెంట్స్‌