WhatsApp | వాట్సాప్‌లో అద్భుతమైన ఫీచర్.. అదేమిటంటే..?!

WhatsApp | వాట్సాప్ త‌న యూజ‌ర్ల కోసం యూజ‌ర్ సెర్చ్ ఫీచ‌ర్ అందుబాటులోకి తెచ్చేందుకు క‌స‌ర‌త్తు చేస్తోంది. ప్ర‌స్తుతం బీటా యూజ‌ర్లు ప్ర‌యోగాత్మ‌కంగా ప‌రీక్షిస్తున్నారు.

WhatsApp | సోషల్ మీడియా దిగ్గజం మెటా’ అనుబంధ వాట్సాప్ తన యూజర్ల కోసం కొత్త ఫీచర్లు తీసుకొస్తున్నది. యూజర్లకు అనువైన ఫీచర్లతో ఆకర్షణీయంగా మారుతోంది. తాజాగా యూజర్ నేమ్ సెర్చ్ ఫీచర్‌పై కసరత్తు చేస్తున్నది. ఫోన్ నంబర్లకు బదులు యూజర్ నేమ్ షేర్ చేసుకోవడానికి ఈ ఫీచర్ వెసులుబాటు కల్పిస్తుంది. ప్రస్తుతం డెవలప్‌మెంట్ దశలో ఉంది. సెలెక్టెడ్ బీటా యూజర్లకు అందుబాటులో ఉంది.

ఇప్పటికైతే యూజర్లు వాట్సాప్‌లో చేయాలంటే ఫోన్ నంబర్ తప్పనిసరి ఉండాల్సిందే. కొందరు యూజర్లు తమ వ్యక్తిగత ఫోన్ నంబర్ ఇవ్వడానికి ఇష్ట పడరు. తప్పనిసరి పరిస్థితుల్లో ఫోన్ నంబర్ సెర్చ్ చేసుకోవాల్సి వస్తుంది. ఇక నుంచి యూజర్లు ఫోన్ నంబర్ స్థానే తమ పేరు ఇస్తే సరిపోతుంది.

సెర్చ్ బార్‌లో సంబంధిత యూజర్ పేరు నమోదు చేసి యూజర్‌తో అనుసంధానం కావచ్చు. ఫోన్ నంబర్ షేర్ చేసుకోవడానికి ఇష్టం లేని వారు తమ యూజర్ నేమ్ షేర్ చేయొచ్చు. యూజర్ నేమ్‌గా తమకు నచ్చినట్లు చేయొచ్చు. అవసరమైనప్పుడు ఆ యూజర్ పేరు తొలగించొచ్చు. ఫోన్ నంబర్ షేర్ చేసుకున్నా ఇబ్బంది లేదనుకుంటేనే మొబైల్ ఫోన్ నంబర్ షేర్ చేసుకోవచ్చు. త్వరలో ఈ ఫీచర్ యూజర్లందరికీ అందుబాటులోకి రానున్నది.