Tata Curvv | కర్వ్‌ పెట్రోల్‌, డీజిల్‌ వెర్షన్ కార్లను మార్కెట్‌లోకి లాంచ్‌ చేసిన టాటా.. ధర, ఫీచర్‌ ఎలా ఉన్నాయంటే..?

Tata Curvv | ప్రముఖ దేశీయ ఆటోమొబైల్‌ దిగ్గజం టాటా మోటార్స్‌ ఇటీవల లాంచ్‌ చేసిన కర్వ్‌ ఐసీఈ మోడల్‌ను మార్కెట్‌లోకి విడుదల చేసింది. కాంపాక్ట్‌ ఎస్‌యూవీ విభాగంలో కర్వ్‌ మోడల్ కార్‌ను టాటా రూ.9.99 లక్షల ప్రారంభ ధరకే మార్కెట్‌లోకి తీసుకువచ్చింది.

Tata Curvv | ప్రముఖ దేశీయ ఆటోమొబైల్‌ దిగ్గజం టాటా మోటార్స్‌ ఇటీవల లాంచ్‌ చేసిన కర్వ్‌ ఐసీఈ మోడల్‌ను మార్కెట్‌లోకి విడుదల చేసింది. కాంపాక్ట్‌ ఎస్‌యూవీ విభాగంలో కర్వ్‌ మోడల్ కార్‌ను టాటా రూ.9.99 లక్షల ప్రారంభ ధరకే మార్కెట్‌లోకి తీసుకువచ్చింది. టాప్‌ మోడల్‌ ధర రూ.17.69లక్షల వరకు ఉంటుంది. అయితే, ఇవన్నీ ఎక్స్‌షోరూం ధరలు కాగా.. అక్టోబర్‌ 31 వరకు బుకింగ్‌ ఉండగా.. ధరలు తక్కువే లభించనున్నాయి. ఆ తర్వాత ధరలు పెరిగే అవకాశం ఉంటుందని కంపెనీ పేర్కొంది. టాటా కర్వ్ స్మార్ట్, ప్యూర్, క్రియేటివ్, అచీవ్ అనే నాలుగు ట్రిమ్ స్థాయిల్లో అందుబాటులో ఉంటుంది. కర్వ్‌లో పలు సబ్‌ వేరియంట్స్‌ సైతం అందుబాటులో ఉన్నాయి. ఆసక్తికరమైన విషయమేంటంటే టాటా కర్వ్‌ యూఎస్‌వీ సెగ్మెంట్‌లో 11వ వాహనం. కర్వ్‌ ఐసీఈ, ఎలక్ట్రికల్‌ వెర్షన్‌ రెండూ టాటా అట్లాస్ ప్లాట్‌ఫారమ్‌పై ఆధారపడి ఉంటాయి. వాటి డిజైన్స్‌ సైతం ఒకేలా ఉంటుంది.

అయితే, లుక్‌పరంగా టాటా కర్వ్‌ ఈవీ కంటే భిన్నంగా కనిపించేలా స్వల్పంగా మార్పులు చేసింది. కర్వ్‌ ఇంజిన్‌ను కూల్‌ చేసేందుకు వెంట్‌లతో కూడిన ఫ్రంట్‌ గిల్‌ను ఏర్పాటు చేసింది. అలాగే, ఎయిర్‌ డ్యామ్‌ విభిన్నంగా రూపొందించింది. అలాగే 18 అంగుకులాల అల్లాయ్‌ వీల్స్‌ సైతం కర్వ్‌ ఈవీ కంటే భిన్నంగా కనిపిస్తాయి. ఈవీ బ్రాండింగ్‌కు బదులుగా కేవలం ‘కర్వ్‌’ బ్రాండ్‌తో వస్తుంది. ఈవీ వెర్షన్ తరహాలోనే టాటా కర్వ్ ఐసీఈ ఫ్లష్ డోర్ హ్యాండిల్స్, కనెక్టెడ్ ఎల్ఈడీ టెయిల్ లైట్లు, వెనుక భాగంలో రూఫ్ స్పాయిలర్‌ డిజైన్ ఉంటుంది. టాటా కర్వ్‌లో గెస్చర్ కంట్రోల్స్‌తో కూడిన పవర్డ్ టెయిల్ గేట్ ఉంటుంది. టాటా కర్వ్ ఇంటీరియర్‌లో డ్యూయెల్ టోన్, బ్లాక్ థీమ్‌ని కలిగి ఉంది. అయితే, ఇవి ఈవీ మోడల్స్‌లోనూ ఉన్నందున.. ట్రిమ్‌లెవల్‌ను బట్టి ఆప్షన్‌ని అందించనున్నది. టాటా కర్వ్ స్టాండర్డ్ డివైజ్‌ల జాబితాలో 4 స్పోక్ వీల్, వైర్లెస్ యాపిల్ కార్​ప్లే, ఆండ్రాయిడ్ ఆటోతో కూడిన 12.3 ఇంచ్​ ఇన్ఫోటైన్మెంట్ సెటప్, 10.25-ఇంచ్​ డిజిటల్ ఇన్​స్ట్రుమెంట్ క్లస్టర్, 9 స్పీకర్స్‌ జేబీఎల్ సౌండ్ సిస్టమ్, వైర్లెస్ ఫోన్ ఛార్జర్ సైతం ఉన్నాయి.

ధర విషయానికి వస్తే 1.2 లీటర్ టర్బో పెట్రోల్ ఇంజిన్, మాన్యువల్ గేర్‌బాక్స్ ఎంపికతో టాటా కర్వ్ బేస్ మోడల్ స్మార్ట్ వేరియంట్ ధర రూ.9.99 లక్షలుగా నిర్ణయించింది. ప్యూర్ ప్లస్ వేరియంట్ ధర రూ.10.99 లక్షలు, క్రియేటివ్ వేరియంట్ రూ.12.19 లక్షలు, క్రియేటివ్ ఎస్ వేరియంట్ రూ.12.69 లక్షలు, క్రియేటివ్ ప్లస్ ఎస్ వేరియంట్ రూ.13.69 లక్షలుగా నిర్ణయించింది. 1.2 లీటర్ టర్బో జీడీఐ పెట్రోల్ ఇంజిన్, టాటా కర్వ్ మ్యాన్యువల్ ట్రాన్స్‌మిషన్‌తో కూడిన క్రియేటివ్ ఎస్‌ వేరియంట్‌ ధర రూ.13.99 లక్షలుగా నిర్ణయించింది. క్రియేటివ్ ఎస్‌ వేరియంట్ ధర రూ.14.99 లక్షలు, అన్‌కంప్లీటెడ్ ఎస్ ధర రూ.15.99లక్షలుగా ఉండనున్నది. అయితే, ఇవన్నీ ప్రారంభ ధరలు కాగా.. అక్టోబర్‌ 31 వరకు కొనుగోలు చేసిన వరకు మాత్రమే ఈ ప్రయోజనం పొందనున్నారు. ఈ టాటా కర్వ్‌ ఎస్‌యూ హ్యుందాయ్‌ క్రెటా, మారుతి సుజుకీ గ్రాండ్‌ విటారా గట్టి పోటీ ఇస్తుందని భావిస్తున్నారు.

Read Also :

Stock Market | రికార్డు స్థాయిలో ప్రారంభమై.. లాభాల్లో ముగిసిన స్టాక్‌ మార్కెట్లు..!

SCS | ఇలా ప్లాన్‌ చేసుకోండి.. సీనియర్‌ సిటిజన్ల పెట్టుబడికున్న 10 అత్యుత్తమ మార్గాలివే!