ఈ నెల చివరివరకు టాటా ఈవీ ఆఫర్లు

దేశీయ ఆటోమొబైల్‌ దిగ్గజాల్లో ఒకటైన టాటా మోటర్స్‌... ఈవీలపై ప్రకటించిన ప్రత్యేక ఆఫర్లను ఈ నెల చివరి వరకు పొడిగించింది.

• పలు మాడళ్లపై రాయితీ ఇస్తున్న సంస్థ

న్యూఢిల్లీ, మార్చి 12: దేశీయ ఆటోమొబైల్‌ దిగ్గజాల్లో ఒకటైన టాటా మోటర్స్‌… ఈవీలపై ప్రకటించిన ప్రత్యేక ఆఫర్లను ఈ నెల చివరి వరకు పొడిగించింది. సంస్థ వద్ద ఉన్న నిల్వలను క్లియర్‌ చేసుకునే ఉద్దేశంలో భాగంగా పలు ఈవీలపై నగదు రాయితీ, ఎక్సేంజ్‌ బోనస్‌లను ప్రకటించింది. సంస్థ ప్రకటించిన ప్రత్యేక స్కీం నెక్సాన్‌, టియాగో, టిగోర్‌లకు మాత్రమే వర్తించనున్నదని, కానీ పంచ్‌ ఈవీకి వర్తించదని స్పష్టంచేసింది. మూడు నెలల క్రితం ఈ మాడల్‌ను సంస్థ మార్కెట్లోకి విడుదల చేసిన విషయం తెలిసిందే.

• నెక్సాన్‌ ఈవీ మాడల్‌పై రూ.3.15 లక్షల వరకు రాయితీ ఇస్తున్నది. దీంట్లో నగదు డిస్కౌంట్‌ కింద రూ.2.65 లక్షలు, ఎక్సేంజ్‌ బోనస్‌ కింద రూ.50 వేలు అందిస్తున్నది
•  30.2 కిలోవాట్ల బ్యాటరీ ప్యాకప్‌ కలిగిన నెక్సాన్‌ ఈవీ మాడల్‌ సింగిల్‌ చార్జింగ్‌తో 312 కిలోమీటర్ల మైలేజీ ఇవ్వనున్నది.
• 40.5 కిలోవాట్ల బ్యాటరీ కలిగిన 143 హెచ్‌పీ ఎలక్ట్రిక్‌ మోటర్‌ మాడల్‌ సింగిల్‌ చార్జింగ్‌తో 437 కిలోమీటర్లు ప్రయాణించనున్నది.
• బ్యాటరీ పూర్తిస్థాయి చార్జింగ్‌కు పట్టే సమయం 4.3 గంటలు, గరిష్ఠంగా 6 గంటలు పట్టనున్నది.