Soft Bank Quits Paytm | మ‌రిన్ని చిక్కుల్లో పేటీఎం.. బోర్డు నుంచి సాఫ్ట్ బ్యాంక్ ఔట్‌

Soft Bank Quits Paytm | పేటీఎంతోపాటు పాల‌సీ బ‌జార్ బోర్డుల నుంచి జ‌పాన్ కేంద్రంగా ప‌ని చేస్తున్న సాఫ్ట్ బ్యాంక్ వైదొల‌గ‌నున్న‌ది.

Soft Bank Quits Paytm | ఇప్ప‌టికే ఆర్బీఐ నిషేధంతో పూర్తిగా చిక్కుల్లో ప‌డ్డ పేటీఎం పేమెంట్స్ బ్యాంక్ మ‌రిన్ని క‌ష్టాల్లో చిక్కుకున్న‌ది. పేటీఎంతోపాటు ఆన్‌లైన్ ఇన్సూరెన్స్ అగ్రిగేట‌ర్ పాల‌సీ బ‌జార్‌లో జ‌పాన్ కేంద్రంగా ప‌ని చేస్తున్న సాఫ్ట్ బ్యాంక్ గ్రూప్ కార్పొరేష‌న్ పెట్టుబ‌డులు పెట్టింది. ఇప్పుడు ఈ రెండు సంస్థ‌ల బోర్డుల నుంచి సాఫ్ట్ బ్యాంక్ ఎగ్జిక్యూటివ్‌లు త‌ప్పుకోనున్నారు.

ప్ర‌పంచ‌వ్యాప్తంగా లిస్టెడ్ కంపెనీల బోర్డుల నుంచి త‌ప్పుకోవాల‌ని ఇంత‌కుముందే సాఫ్ట్ బ్యాంక్ నిర్ణ‌యించింది. దానికి అనుగుణంగానే పేటీఎం, పాల‌సీ బజార్‌ల‌లో త‌మ డైరెక్ట‌ర్ల‌ను సాఫ్ట్ బ్యాంక్ ఉప‌సంహ‌రించుకోనున్న‌ది. రెగ్యులేట‌రీ స‌మ‌స్య‌ల ప‌రిష్కారంలో విఫ‌ల‌మైనందుకే ఈ రెండు సంస్థ‌ల్లో సాఫ్ట్ బ్యాంక్ ఎగ్జిక్యూటివ్‌లు వైదొలుగుతున్నార‌ని స‌మాచారం.

అయితే, పేటీఎంలోనూ, పాల‌సీ బ‌జార్‌లోనూ సాఫ్ట్ బ్యాంక్ నిధులు కొన‌సాగుతాయ‌ని ఆ సంస్థ స‌న్నిహిత వ‌ర్గాలు తెలిపాయి. దీనిపై సాఫ్ట్ బ్యాంక్ గానీ, పేటీఎం గానీ, పాల‌సీ బ‌జార్ కానీ ప్ర‌తి స్పందించ‌లేదు. వ‌న్ 97 క‌మ్యూనికేష‌న్స్ అనుబంధ పేటీఎం, పీబీ ఫిన్‌టెక్ అనుబంధ పాల‌సీ బ‌జార్ గ‌తేడాది ఐపీవో ద్వారా స్టాక్ మార్కెట్ల‌లో లిస్ట‌య్యాయి.