వెండి పరుగులకు బ్రేక్.. 6 రోజుల ర్యాలీ తర్వాత తగ్గిన ధర
వరుసగా పెరుగుతూపోయిన వెండి ధరలకు బ్రేక్ పడింది. బుధవారం ఢిల్లీ స్పాట్ మార్కెట్లో కిలో రేటు రూ.460 పడిపోయి రూ.1,80,900 పలికింది. అంతకుముందు 6 రోజులు సిల్వర్ వాల్యూ క్రమంగా పెరుగుతూపోయిన విషయం తెలిసిందే. ఈ క్రమంలోనే ఆల్టైమ్ హై రికార్డును అధిగమిస్తుందా? అన్న ఊపు కనిపించింది.
- రూ.1,32,200కు పెరిగిన బంగారం విలువ
న్యూఢిల్లీ, డిసెంబర్ 3 : వరుసగా పెరుగుతూపోయిన వెండి ధరలకు బ్రేక్ పడింది. బుధవారం ఢిల్లీ స్పాట్ మార్కెట్లో కిలో రేటు రూ.460 పడిపోయి రూ.1,80,900 పలికింది. అంతకుముందు 6 రోజులు సిల్వర్ వాల్యూ క్రమంగా పెరుగుతూపోయిన విషయం తెలిసిందే. ఈ క్రమంలోనే ఆల్టైమ్ హై రికార్డును అధిగమిస్తుందా? అన్న ఊపు కనిపించింది. ఈ ఏడాది అక్టోబర్లో కిలో ధర మునుపెన్నడూ లేనివిధంగా రూ.1,85,000గా నమోదైన సంగతి విదితమే. కాగా, వరుసగా 6 ట్రేడింగ్ సెషన్లలో వెండి ధర రూ.26,360 పుంజుకోవడం విశేషం. ఇదిలావుంటే బంగారం ధర మళ్లీ పెరిగింది. 24 క్యారెట్ (99.9 స్వచ్ఛత) 10 గ్రాములు రూ.670 అందుకుని రూ.1,32,200కు చేరింది. ఈ మేరకు అఖిల భారత సరఫా అసోసియేషన్ తెలిపింది. మంగళవారం రూ.1,670 తగ్గినది తెలిసిందే. అయితే అక్టోబర్లో తులం రూ.1,34,800గా నమోదై ఆల్టైమ్ హై రికార్డును నెలకొల్పింది విదితమే. కాగా, అంతర్జాతీయ మార్కెట్లో డిమాండ్, దేశీయ ఫారెక్స్ మార్కెట్లో డాలర్తో పోల్చితే రూపాయి విలువ రికార్డు పతనాల మధ్య మదుపరులు తమ పెట్టుబడులకు సురక్షిత సాధనంగా బంగారాన్ని ఎంచుకుంటున్నారని బులియన్ ట్రేడర్లు విశ్లేషిస్తున్నారు.
హైదరాబాద్లో..
హైదరాబాద్లో 24 క్యారెట్ పుత్తడి విలువ రూ.710 ఎగిసి రూ.1,30,580కి చేరింది. 22 క్యారెట్ (99.5 స్వచ్ఛత) రేటు రూ.650 ఎగబాకి రూ.1,19,700గా నమోదైంది. కాగా, అటు బంగారం, ఇటు వెండి ధరలు ఒడిదుడుకులకు లోనవుతున్న నేపథ్యంలో మార్కెట్లో అమ్మకాలు అంతంతమాత్రంగానే ఉన్నాయని వ్యాపారులు చెప్తున్నారు. క్రిస్మస్, న్యూ ఇయర్వంటి పండుగలు, సెలబ్రేషన్లు రాబోయే రోజుల్లో ఉండటంతో ధరల తీరు ఇలాగే ఉంటే వ్యాపారం సాగేదెలా? అన్న బెంగ పెట్టుకుంటున్నారు. మరోవైపు దేశీయ మార్కెట్ నుంచి తరలిపోతున్న విదేశీ పెట్టుబడులు, అధిక ముడి చమురు ధరలు కూడా ఇన్వెస్టర్లను గోల్డ్, సిల్వర్ వైపు చూసేలా చేస్తున్నాయని మార్కెట్ నిపుణులు పేర్కొంటున్నారు. ఇక గ్లోబల్ మార్కెట్లో ఔన్స్ గోల్డ్ 4,230.67 డాలర్లు, వెండి 58.40 డాలర్లుగా వుంది.
Read Today's Latest Business News in Telugu and Telugu News
RELATED ARTICLES
తాజా వార్తలు
Health tips | మంచినీళ్లు తక్కువ తాగితేనే కాదు.. మరీ ఎక్కువ తాగినా ఆరోగ్యానికి హానికరమే..!
Nepal PM Balen Shah | భారత్ చేరుకున్న నేపాల్ ప్రధాని.. సోమవారం ప్రధాని మోదీతో చర్చలు
Festivals | పండుగల సమయంలో స్వీట్లను ఎక్కువగా తింటే షుగర్ లెవల్స్ ఎప్పటికీ అలాగే ఉంటాయా..?
JEE Main | ఈ రాత్రి 12 గంటలకు ముగియనున్న గడువు.. ఇప్పటికే 13 లక్షలు దాటిన జేఈఈ దరఖాస్తులు..!
Health tips | మీలో ఈ లక్షణాలుంటే ఆలస్యం చేయకుండా థైరాయిడ్ పరీక్షలు చేయించుకోండి..!
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

