Retail Inflation | రిటైల్ ద్రవ్యోల్బణం ఆందోళనకరంగానే ఉన్నా.. ఆర్బీఐకి ఎస్బీఐ సలహాదారు ఇలా!
Retail Inflation | రిటైల్ ద్రవ్యోల్బణం ఆందోళనకరంగానే ఉన్నా, యూఎస్ ఫెడ్ రిజర్వ్ నిర్ణయానికి అనుగుణంగా వడ్డీరేట్లు పెంచొద్దని ఆర్బీఐకి ఎస్బీఐ ప్రధాన ఆర్థిక సలహాదారు సౌమ్యకాంతి ఘోష్ విజ్ఞప్తి చేశారు.
Retail Inflation | అధిక ధరలను, దాంతోపాటు పెరిగిపోతున్న ద్రవ్యోల్బణాన్ని అదుపు చేయడానికి పలు దేశాల కేంద్రీయ బ్యాంకులు దాదాపు ఏడాది కాలంగా కీలక వడ్డీరేట్లు పెంచేస్తున్నాయి. అమెరికా ఫెడ్ రిజర్వు మొదలు, ఇంగ్లండ్ బ్యాంక్, ఆర్బీఐ కూడా అదే బాటలో పయనిస్తున్నాయి. యూఎస్ ఫెడ్ రిజర్వు నిర్ణయానికి అనుగుణంగా ఆర్బీఐ వడ్డీరేట్లు పెంచుతుందన్న అభిప్రాయాలు వినిపిస్తున్నాయి. దీనిపై ఆర్బీఐకి భారతీయ స్టేట్ బ్యాంక్ (ఎస్బీఐ) ప్రధాన ఆర్థిక సలహాదారు సౌమ్యకాంతి ఘోష్ కీలక సూచన చేశారు. యూఎస్ ఫెడ్ రిజర్వుకు అనుగుణంగా దేశీయంగా వడ్డీరేట్ల పెంపు విషయంలో ఆలోచించి నిర్ణయం తీసుకోవాలని కోల్కతాలో శనివారం జరిగిన ఓ చర్చాగోష్టిలో సౌమ్యకాంతి ఘోష్ సూచించారు.
యూఎస్ ఫెడ్ రిజర్వు ఇక ముందు కూడా వడ్డీరేట్ల పెంపు కొనసాగించొచ్చునని సౌమ్యకాంతి ఘోష్ పేర్కొన్నారు. ఇప్పటికే ఆర్బీఐ రెపోరేట్ పెంచడంతో ఆర్థిక వ్యవస్థపై పడే ప్రతికూల ప్రభావాన్ని మదింపు చేయాలని ఆర్బీఐని కోరారు. కనుక యూఎస్ ఫెడ్ రిజర్వుకు అనుగుణంగా వడ్డీరేట్లు పెంచాలన్న యోచనకు స్వస్తి పలుకాలని విజ్ఞప్తి చేశారు. కనీసం మరో మూడు దఫాలు, అంతకంటే ఎక్కువసార్లు యూఎస్ ఫెడ్ రిజర్వు వడ్డీరేట్లు పెంచే అవకాశాలు కనిపిస్తున్నాయి.
2008లో ఆర్థిక మాంద్యం వచ్చినప్పుడు కూడా వివిధ దేశాల కేంద్రీయ బ్యాంకులు సామూహికంగా వడ్డీరేట్లు పెంచేశాయని సౌమ్యకాంతి ఘోష్ చెప్పారు. కానీ, ఆయా దేశాల్లో పరిస్థితులకు అనుగుణంగా వడ్డీరేట్లు తగ్గించాయని, ఆర్బీఐ కూడా వడ్డీరేట్లను పెంచే విషయమై యూఎస్ ఫెడ్ రిజర్వ్తో కలిసి వెళ్లాలా.. వద్దా.. అన్న సంగతి ఆలోచించుకోవాలన్నారు.
ద్రవ్యోల్బణాన్ని అదుపు చేయడానికి గతేడాది మే నుంచి ఆర్బీఐ వరుసగా వడ్డీరేట్లు పెంచుతూ వస్తున్నది. ఇప్పటి వరకు 250 బేసిక్ పాయింట్లు రెపోరేట్ పెంచింది. జనవరి రిటైల్ ద్రవ్యోల్బణం 6.52 శాతంగా నమోదైంది. ఫిబ్రవరి రిటైల్ ద్రవ్యోల్బణం కూడా దాదాపు అదే స్థాయిలో ఉండొచ్చునని సౌమ్యకాంతి ఘోష్ అంచనా వేశారు. ఆర్బీఐ నిర్దేశిత స్థాయికి కంటే ఎక్కువ ద్రవ్యోల్బణం నమోదైతే, ఏప్రిల్లో మరోదఫా వడ్డీరేట్లు పెరుగుతాయన్న అభిప్రాయాలు వినిపిస్తున్నాయి.
Read Today's Latest Business News in Telugu and Telugu News
RELATED ARTICLES
తాజా వార్తలు
నల్లగొండ విద్యార్థికి జాతీయ బాల ప్రతిభా పురస్కారం
భూముల రీ-సర్వేను పకడ్బందీగా నిర్వహించాలి : అదనపు కలెక్టర్ హరిసింగ్
ఎంపీ చామల కనిపించడం లేదంటూ చౌటుప్పల్ పోలీస్ స్టేషన్లో ఫిర్యాదు
Minister Seethakka | మహిళతో కాళ్లు మొక్కించుకున్న మంత్రి సీతక్క.. వీడియో
సంబంధం ఉన్న పోలీస్ అధికారిని.. ముగ్గురితో కలిసి హత్య చేసిన మహిళా కానిస్టేబుల్
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

