Reliance Jio | రేపటి నుంచి నాలుగు నగరాల్లో రిలయన్స్‌ జియో 5 జీ సేవలు.. వీరే తొలి 5 జీ సేవలు అందుకునే అదృష్టవంతులు

Reliance jio 5G | రిలయన్స్‌ జియో 5 జీ సేవలు రేపటి నుంచి అందుబాటులోకి రానున్నాయి. దసరా పండుగను పురస్కరించుకుని 4 నగరాల్లో 5 జీ సేవలను ఎంపికైన కస్టమర్లకు రిలయన్స్‌ జియో అందించనున్నది.

Reliance Jio | ఎప్పుడెప్పుడా అని ఎదురుచూస్తున్న 5 జీ సేవలు అందుబాటులోకి రానే వచ్చాయి. అయితే, తొలిసారిగా దసరా పండుగను పురస్కరించుకొని దేశంలోని నాలుగు ప్రధాన నగరాల్లో 5 జీ సేవలు ప్రయోగాత్మకంగా అందించేందుకు రిలయన్స్‌ జియో సిద్ధమైంది. అయితే, ఈ 5 జీ సేవలను కూడా లిమిటెడ్‌ యూజర్లకు మాత్రమే అందిస్తుండటం విశేషం.

రిలయన్స్ జియో ఎట్టకేలకు 5జీ సేవలను అందించనున్నట్లు మంగళవారం ప్రకటించింది. దసరా వేడుకల్లో భాగంగా ప్రయోగాత్మకంగా నాలుగు నగరాల్లోనే టెలికాం కంపెనీ 5జీ ని అందుబాటులోకి తీసుకువస్తున్నది. ముంబై, ఢిల్లీ, కోల్‌కతా, వారణాసి నగరాల్లోని జియో వినియోగదారులు బుధవారం నుంచి 5జీ సేవలను యాక్సెస్ చేయనున్నట్లు రిలయన్స్‌ జియో సంస్థ తెలిపింది. జియో ప్రతి ఒక్క వినియోగదారుడికి ఈ 5 జీ సేవలు అందుబాటులోకి రావని పేర్కొన్నది.

రిలయన్స్ జియో సంస్థ మన దేశంలో 5జీ సేవలను లాంచ్ చేస్తున్నది. అయితే, కొందరికే ఈ సేవలు తొలి రోజున అందనున్నాయి. ఎంపిక చేసిన వినియోగదారులకు ‘జియో వెల్‌కం ఆఫర్‌’ అంటూ ఇన్విటేషన్‌ పంపించారు. ఈ 5 జీ సేవల బీటా పరీక్ష మాత్రమే కానీ వాణిజ్య ప్రయోగం కాదు. అందుకని రాండమ్‌గా ఎంపికైన వినియోగదారులకు మాత్రమే 5 జీ సేవలు అందుతాయి. ర్యాండ్‌మెగా ఎంపికైన వినియోగదారులు ప్రస్తుతం వాడుతున్న హ్యాండ్‌సెట్‌, సిమ్‌ను మార్చాల్సిన అవసరం లేదని సంస్థ తెలిపింది. ప్రయోగాత్మకంగా అందిస్తున్న తొలి దశలో 1 జీబీపీఎస్‌ వేగంతో అన్‌లిమిటెడ్‌ 5 జీ డాటాను కస్టమర్లు పొందుతారని రిలయన్స్‌ జియో ధ్రువీకరించింది.