రూ.181కే ఇంటికి బీమా.. ప్రత్యేక ఆఫర్‌ను ప్రకటించిన ఫోన్‌పే

ప్రముఖ ఆర్థిక సేవల సంస్థ ఫోన్‌పే సరికొత్త బీమా ప్రాడక్ట్‌ను అందుబాటులోకి తీసుకొచ్చింది. ఇప్పటికే వాహనాలకు బీమా సౌకర్యం కల్పిస్తున్న సంస్థ.. తాజాగా ఇంటికి కూడా బీమా ఆఫర్‌ చేస్తున్నది. రూ.181 ప్రారంభంతో ఈ ప్రత్యేక పాలసీని విక్రయిస్తున్నది.

బెంగళూరు, ఆగస్టు 25 : ప్రముఖ ఆర్థిక సేవల సంస్థ ఫోన్‌పే సరికొత్త బీమా ప్రాడక్ట్‌ను అందుబాటులోకి తీసుకొచ్చింది. ఇప్పటికే వాహనాలకు బీమా సౌకర్యం కల్పిస్తున్న సంస్థ.. తాజాగా ఇంటికి కూడా బీమా ఆఫర్‌ చేస్తున్నది. రూ.181 ప్రారంభంతో ఈ ప్రత్యేక పాలసీని విక్రయిస్తున్నది. అగ్నిప్రమాదం, వరదలు, భూకంపాలు, దొంగతనం వంటి 20 రకాల రిస్క్‌లకు ఈ బీమా వర్తించనున్నదని పేర్కొంది. ఈ పాలసీ తీసుకున్నవారు రూ.10 లక్షల నుంచి రూ.12.5 కోట్ల లోపు కవరేజ్‌ లభించనున్నదని ఫోన్‌పే ఇన్సూరెన్స్‌ బ్రోకింగ్‌ సర్వీసెస్‌ సీఈవో విశాల్‌ గుప్తా తెలిపారు.

ఈ ప్లాన్‌ ప్రత్యేకతలు

• రూ.181 ప్రీమియం ప్రారంభం(జీఎస్టీ కలుపుకొని)
• రూ.10 లక్షల నుంచి రూ.12.5 కోట్ల లోపు కవరేజ్‌
• అగ్ని ప్రమాదం, భూకంపాలు, వరదలు, అల్లర్లు, దొంగతనం వంటి 20 రకాల రిస్క్‌లకు ఈ బీమా వర్తించనున్నది.
• ఇప్పటికే రుణం తీసుకున్నవారికి లేదా ఇంటి యజమానులందరికి వర్తించనున్నది.
• అన్ని రకాల బ్యాంక్‌లు, ఆర్థిక సేవల సంస్థల నుంచి రుణాన్ని తీసుకున్నవారికి కూడా..
• ఆన్‌లైన్‌లో ఈ పాలసీ తీసుకోవచ్చును.