లక్ష దాటిన పెట్రోల్‌ పంపులు

దేశవ్యాప్తంగా పెట్రోల్‌ బంకులు లక్ష దాటిపోయాయి. ప్రభుత్వరంగ సంస్థలు అత్యధికంగా పెట్రోల్‌ బంకులను ఏర్పాటు చేయడానికి మొగ్గుచూపడంతో ఈ ఏడాది ఇప్పటి వరకు దేశీయంగా 1,00,266 పెట్రోల్‌ బంకులు అందుబాటులోకి వచ్చాయి. వీటిలో 90 శాతం ప్రభుత్వరంగ సంస్థలైన ఐవోసీ, బీపీసీఎల్‌, హెచ్‌పీసీఎల్‌ ఆధ్వర్యంలో నడుస్తున్న బంకులు ఉండటం విశేషం.

న్యూఢిల్లీ, డిసెంబర్‌ 25: దేశవ్యాప్తంగా పెట్రోల్‌ బంకులు లక్ష దాటిపోయాయి. ప్రభుత్వరంగ సంస్థలు అత్యధికంగా పెట్రోల్‌ బంకులను ఏర్పాటు చేయడానికి మొగ్గుచూపడంతో ఈ ఏడాది ఇప్పటి వరకు దేశీయంగా 1,00,266 పెట్రోల్‌ బంకులు అందుబాటులోకి వచ్చాయి. వీటిలో 90 శాతం ప్రభుత్వరంగ సంస్థలైన ఐవోసీ, బీపీసీఎల్‌, హెచ్‌పీసీఎల్‌ ఆధ్వర్యంలో నడుస్తున్న బంకులు ఉండటం విశేషం.

అలాగే ప్రపంచ దేశాల్లో మూడో అతిపెద్ద దేశంగా భారత్‌ నిలిచినట్లు పెట్రోలియం ప్లానింగ్‌ అండ్‌ అనాలసిస్‌ సెల్‌ తాజాగా వెల్లడించింది. తొలి స్థానంలో అమెరికా ఉండగా, ఆ తర్వాత స్థానంలో చైనా నిలిచింది. వీటితోపాటు ప్రైవేట్‌ సంస్థలైన నయారా, రిలయన్స్‌-బీపీ, షెల్‌లు సంయుక్తంగా 10 వేల వరకు నిర్వహిస్తున్నాయి. 2015లో దేశవ్యాప్తంగా 50 వేల స్థాయిలో ఉన్న పెట్రోల్‌ బంక్‌లు కేవలం పదేండ్లలో రెండింతలు పెరుగడం విశేషం.

• దేశవ్యాప్తంగా 41,664 బంక్‌లతో తొలిస్థానంలో ఇండియన్‌ ఆయిల్‌ కార్పొరేషన్‌.
• బీపీసీఎల్‌ 24,605 స్టేషన్లు ఉండగా, హెచ్‌పీసీఎల్‌కి 24,418 పెట్రోల్‌ బంకులు ఉన్నాయి
• ఈ బంకుల్లోనే సీఎన్‌జీ, ఈవీ చార్జింగ్‌ స్టేషన్లను కూడా నెలకొల్పుతున్నారు.
• అలాగే నయారా ఎనర్జీకి 6,921 బంకులు, రిలయన్స్‌-బీపీకి సంయుక్తంగా 2,114, షెల్‌కు 346 పెట్రోల్‌ బంకులను నిర్వహిస్తున్నాయి.