IMPS | బెనిఫిషియరీ వివరాల్లేకుండానే ఐఎంపీఎస్‌ ద్వారా రూ.5 లక్షలదాకా బదిలీ

బెనిఫిషియరీ పేరు, ఐఎఫ్‌ఎస్‌సీ కోడ్‌తో సంబంధం లేకుండానే బ్యాంక్‌ ఖాతాల మధ్య ఇమ్మీడియెట్‌ పేమెంట్‌ సర్వీస్‌ (ఐఎంపీఎస్‌) ద్వారా రూ.5 లక్షలదాకా బదిలీ చేసుకోవచ్చు. వచ్చే నెల 1 నుంచి ఈ అవకాశం ఖాతాదారులకు అందుబాటులోకి రానున్నది.

• ఫిబ్రవరి 1 నుంచి అమల్లోకి

IMPS | న్యూఢిల్లీ, జనవరి 29: బెనిఫిషియరీ పేరు, ఐఎఫ్‌ఎస్‌సీ కోడ్‌తో సంబంధం లేకుండానే బ్యాంక్‌ ఖాతాల మధ్య ఇమ్మీడియెట్‌ పేమెంట్‌ సర్వీస్‌ (ఐఎంపీఎస్‌) ద్వారా రూ.5 లక్షలదాకా బదిలీ చేసుకోవచ్చు. వచ్చే నెల 1 నుంచి ఈ అవకాశం ఖాతాదారులకు అందుబాటులోకి రానున్నది. ఈ మేరకు గతేడాది అక్టోబర్‌ 31నే నేషనల్‌ పేమెంట్స్‌ కార్పొరేషన్‌ ఆఫ్‌ ఇండియా (ఎన్‌పీసీఐ) ఓ సర్క్యులర్‌ను విడుదల చేసింది.

దీంతో ఫిబ్రవరి 1 నుంచి మనం ఎవరికైతే నగదును పంపుతున్నామో వారి బ్యాంక్‌ ఖాతా నంబర్‌, ఖాతాదారుని పేరు, ఐఎఫ్‌ఎస్‌సీ కోడ్‌లను జత చేయాల్సిన అవసరం లేకుండా పోతున్నది. మొబైల్‌ నంబర్‌, బ్యాంక్‌ పేరుంటే చాలు. ప్రస్తుతం మొబైల్‌ బ్యాంకింగ్‌ యాప్‌లో పూర్తిగా అన్ని వివరాలను పేర్కొనాల్సి వస్తున్నది. కాగా, ఐఎంపీఎస్‌ అనేది ఓ నిరంతర నగదు బదిలీ వ్యవస్థ. దేశీయ డిజిటల్‌ లావాదేవీల్లో దీనికి ప్రాధాన్యత ఉన్నది తెలిసిందే.

ఐఎంపీఎస్‌ విధానమిది..

• బ్యాంకింగ్‌ యాప్‌ ఓపెన్‌ చేయాలి.
• ‘ఫండ్‌ ట్రాన్స్‌ఫర్‌’ను ఎంచుకోవాలి.
• ఐఎంపీఎస్‌ ఆప్షన్‌ను సెలెక్ట్‌ చేసుకోవాలి.
• ఎవరికైతే పంపుతున్నామో వారి మొబైల్‌ నంబర్‌, వారికి ఖాతా ఉన్న బ్యాంక్‌ పేరును పేర్కొనాలి.
• పంపే నగదు మొత్తాన్ని ఎంటర్‌ చేయాలి.
• అన్నీ సరిచూసుకున్న తర్వాత ‘కన్ఫమ్‌’పై క్లిక్‌ చేయాలి.
• మీకు అందే వన్‌ టైమ్‌ పాస్‌వర్డ్‌ (ఓటీపీ)తో లావాదేవీని పూర్తి చేసుకోవచ్చు.