Maruti update Dzire Tour S | మార్కెట్‌లోకి మారుతి అప్‌డేటెడ్ డిజైర్ టూర్ ఎస్‌.. ఇవీ మైలేజీ.. ధ‌ర డిటైల్స్‌!

Maruti update Dzire Tour S | మారుతి సుజుకి దేశీయ మార్కెట్లోకి అప్ డేటెడ్ డిజైర్ టూర్ ఎస్ తీసుకొచ్చింది. కిలో సీఎన్జీ వర్షన్ కారు 32 కి.మీ. మైలేజీనిస్తుంది. దీని ధర రూ.7.36 లక్షలుగా నిర్ణయించింది.

Maruti update Dzire Tour S | దేశంలోనే అతిపెద్ద కార్ల తయారీ సంస్థ మారుతి సుజుకి తన డిజైర్ టూర్ ఎస్ కారును అప్‌డేట్ చేసింది. 32 కిలోమీట‌ర్ల మైలేజీతోపాటు ఏబీఎస్‌-ఈబీఎస్ వంటి సేఫ్టీ ఫీచ‌ర్ల‌తో తీసుకొచ్చింది. క‌మ‌ర్షియ‌ల్ సెడాన్ సెగ్మెంట్‌లో అత్యంత పాపుల‌ర్ కారు డిజైర్ అప్‌డేటెడ్ వ‌ర్ష‌న్ కం ఆల్‌-న్యూ టూర్ ఎస్‌కే ఫేస్‌లిఫ్ట్‌ను మార్కెట్‌లోకి తెచ్చింది. న్యూ జ‌న‌రేష‌న్ స్విఫ్ట్ డిజైర్ ఆధారంగా ఇది రూపు దిద్దుకున్న‌ది. దేశంలోని ట్యాక్సీల్లో అత్యంత ఆద‌ర‌ణ పొందిన కారుగా మారుతి డిజైర్ టూర్ ఎస్ నిలిచింది. ఎల్ఈడీ హెడ్ ల్యాప్స్‌, న్యూ టూర్ ఎస్‌పై టూర్ ఎస్ బ్యాడ్జింగ్ సిగ్నేచ‌ర్ క‌లిగి ఉంటుంది. న్యూ స్విఫ్ట్ డిజైర్ కారుతో పోలిస్తే స్పోర్ట్స్ ప్రీమియం లుక్‌తో ఆక‌ర్ష‌ణీయంగా ఉంది.

• డిజైర్ టూర్‌-ఎస్ కారు పెట్రోల్‌, సీఎన్జీ వేరియంట్ల‌లో ల‌భ్యం
• పెట్రోల్ మాన్యువ‌ల్ వేరియంట్ ధ‌ర రూ.6.51 ల‌క్ష‌లు
• బ‌యో-ఫ్యుయ‌ల్‌ సీఎన్జీ వేరియంట్ రూ.7.36 ల‌క్ష‌ల‌కు ల‌భ్యం.

ఇవీ ఫీచర్లు

• అడ్వాన్స్‌డ్ 1.2-లీట‌ర్స్ నేచుర‌ల్లీ-యాస్పిరేటెడ్ పెట్రోల్ ఇంజిన్‌.
• పెట్రోల్ ఇంజిన్ 88.5 బీహెచ్పీ విద్యుత్‌, 113 ఎన్ఎం టార్చి వెలువ‌రిస్తుంది.
• సీఎన్జీ వ‌ర్ష‌న్ ఇంజిన్ 76.4 బీహెచ్పీ, 98.5 ఎన్ఎం టార్చి వెలువ‌రిస్తుంది.
• 5-స్పీడ్ మాన్యువ‌ల్ ట్రాన్స్‌మిష‌న్ గేర్ బాక్స్‌తో ఇంజిన్ డిజైన్‌
• పెట్రోల్ మోడ్ ఇంజిన్ లీట‌ర్ పెట్రోల్‌పై 23.15 కి.మీ- సీఎన్జీ మోడ్ ఇంజిన్ కిలో సీఎన్జీతో 32.12 కి.మీ. మైలేజీ.

సేఫ్టీ ఫీచ‌ర్లివే..

• కారు బెట‌ర్ సేఫ్టీ అండ్ పెర్ఫార్మెన్స్ కోసం ఫిఫ్త్ జ‌న‌రేష‌న్ హియ‌ర్‌టెక్ ప్లాట్‌ఫామ్‌.
• డ్యుయ‌ల్ ఫ్రంట్ ఎయిర్‌బ్యాగ్స్‌
• యాంటీ లాక్ బ్రేకింగ్ సిస్ట‌మ్ విత్ ఎల‌క్ట్రానిక్ బ్రేక్‌ఫోర్స్ డిస్ట్రిబ్యూష‌న్ (ఈబీడీ)
• బ్రేక్ అసిస్ట్‌, రివ‌ర్స్ పార్కింగ్ సెన్స‌ర్‌
• స్పీడ్ లిమిటింగ్ సిస్ట‌మ్‌
• రివ‌ర్స్ పార్కింగ్ సెన్స‌ర్‌
• ఎల‌క్ట్రానిక్ స్టెబిలిటీ ప్రోగ్రామ్ (ఈఎస్పీ)