కొత్త కార్లపై మారుతి డిస్కౌంట్ల వ‌ర్షం!

న్యూఢిల్లీ: దేశంలోనే అగ్ర‌శ్రేణి కార్ల త‌యారీ కార్ల త‌యారీ సంస్థ మారుతి సుజుకి ప్ర‌స్తుత ఆర్థిక సంవ‌త్స‌రాంతంలో కొత్త కార్ల కొనుగోలుదార్ల‌కు బంప‌ర్ ఆఫ‌ర్లు ప్ర‌క‌టించింది. ఈ నెల ఒక‌టో తేదీ నుంచి 31 వ‌ర‌కు కార్లు బుక్ చేసుకున్న వారికి మాత్ర‌మే ఈ ఆఫ‌ర్లు వ‌ర్తిస్తాయ‌ని పేర్కొంది. ఎర్టిగా మిన‌హా ఎంట్రీ లెవ‌ల్ ఆల్టో నుంచి విటారా బ్రెజా వ‌ర‌కు ఈ ఆఫ‌ర్లు వ‌ర్తిస్తాయ‌ని తెలిపింది. ఈ ఆఫ‌ర్ల ద్వారా త‌మ కార్ల విక్ర‌యాలు పెంచుకోవ‌డ‌మే త‌మ ల‌క్ష్యం అని మారుతి సుజుకి తెలిపింది. అయితే, ఈ డిస్కౌంట్లు ఒక్కో న‌గ‌రానికి ఒక‌లా ఉంటాయ‌ని పేర్కొన్న‌ది. కార్ల కొనుగోలు దారులు కంపెనీ అందించే ఆఫ‌ర్ల‌ను తెలుసుకోవాల‌ని సూచించింది.

మారుతి ఎస్‌-ప్రెస్సో: ‌క్యాష్ డిస్కౌంట్ రూ.20 వేలు ప్ల‌స్‌, ఎక్స్చేంజ్ బోన‌స్ రూ.20 వేల‌తో క‌లిపి మొత్తం డిస్కౌంట్ రూ.52 వేలు అందుబాటులో ఉంది. 1.0 లీట‌ర్ పెట్రోల్ ఇంజిన్ సామ‌ర్థ్యంతోపాటు 5-స్పీడ్ మాన్యువ‌ల్‌, ఏఎంటీ ఆప్ష‌న్ వేరియంట్ కారుపై ఈ ఆఫ‌ర్ వ‌ర్తిస్తుంది.

మారుతి సెలేరియో: ‌క్యాష్ డిస్కౌంట్ రూ.20 వేలు ప్ల‌స్‌, ఎక్స్చేంజ్ బోన‌స్ రూ.20 వేల‌తో క‌లిపి మొత్తం డిస్కౌంట్ రూ.47 వేలు అందుబాటులో ఉంది. 1.0 లీట‌ర్ కే-సిరీస్‌ పెట్రోల్ ఇంజిన్ సామ‌ర్థ్యంతోపాటుమాన్యువ‌ల్‌, ఏఎంటీ గేర్ ఆప్ష‌న్ వేరియంట్ కారుపై ఈ ఆఫ‌ర్ వ‌ర్తిస్తుంది. ఎస్‌-ప్రెస్సో సీఎన్జీ ఆప్ష‌న్ వేరియంట్‌పై ఈ ఆఫ‌ర్ ల‌భిస్తుంది.

మారుతి ఆల్టో: ‌ఎంట్రీ లెవ‌ల్ మోడ‌ల్ ఆల్టో కారు కొనుగోలు దారుల‌కు గ‌రిష్ఠంగా రూ.42 వేల డిస్కౌంట్ ల‌భిస్తుంది. క్యాష్ డిస్కౌంట్ రూ.15 వేలు‌, ఎక్స్చేంజ్ బోన‌స్ రూ.15 వేల మేర‌కు అందుబాటులో ఉంది.

మారుతి స్విఫ్ట్‌: ‌ఈ మోడ‌ల్ కారు కొనుగోలు దారుల‌కు క్యాష్ డిస్కౌంట్ రూ.10 వేలు ఇస్తుండ‌గా, ఎక్స్చేంజ్ ఆఫ‌ర్ రూ.20 వేలు ల‌భిస్తుంది.

మారుతి ఎకో‌: ‌ఈ మోడ‌ల్ కారు కొనుగోలు దారుల‌కు క్యాష్ డిస్కౌంట్ రూ.10 వేలు ఇస్తుండ‌గా, ఎక్స్చేంజ్ ఆఫ‌ర్ రూ.20 వేల‌తో క‌లిపి మొత్తం రూ.37 వేల రాయితీ అందుబాటులో ఉంది.

విటారా బ్రెజా: క్యాష్ డిస్కౌంట్ రూ.10 వేలు ఇస్తుండ‌గా, ఎక్స్చేంజ్ ఆఫ‌ర్ రూ.20 వేల‌తో క‌లిపి మొత్తం రూ.35 వేలు ఆదా చేయొచ్చు. ఈ మోడ‌ల్ కారును దేశంలోకెల్లా అత్యంత పెట్రోల్ ఆదా కారుగా ప‌రిగ‌ణిస్తున్నారు.

మారుతి డిజైర్‌: క్యాష్ డిస్కౌంట్ రూ.8,000, ఎక్స్చేంజ్ ఆఫ‌ర్ రూ.20 వేల‌తో క‌లిపి మొత్తం రూ.35 వేలు ఆదా చేయొచ్చు. దీన్ని కూడా అత్యంత పెట్రోల్ ఆదా మోడ‌ల్ కారుగా భావిస్తున్నారు.

మారుతి వ్యాగన్ ఆర్‌‌: క్యాష్ డిస్కౌంట్ రూ.8,000, ఎక్స్చేంజ్ ఆఫ‌ర్ రూ.15 వేల‌తో క‌లిపి మొత్తం రూ.30 వేలు పొదుపు చేయొచ్చు. దీన్ని కూడా అత్యంత పెట్రోల్ ఆదా మోడ‌ల్ కారుగా భావిస్తున్నారు.

మారుతి బాలెనో: అన్ని ర‌కాల బాలెనో మోడ‌ల్ కార్ల‌పై డిస్కౌంట్లు ల‌భిస్తాయి. క్యాష్ డిస్కౌంట్ రూ.15,000, ఎక్స్చేంజ్ ఆఫ‌ర్ రూ.10 వేలు, కార్పొరేట్ డిస్కౌంట్ రూ.4000 ల‌భిస్తుంది. ఇక సిగ్మా వేరియంట్‌పై అద‌నంగా క్యాష్ డిస్కౌంట్ రూ.5000 ల‌భిస్తుంది.

మారుతి సియాజ్‌: ఈ మోడ‌ల్ కారుపై క్యాష్ డిస్కౌంట్ రూ.10వేలు, ఎక్స్చేంజ్ బోన‌స్ రూ.20 వేలు, కార్పొరేట్ డిస్కౌంట్ రూ.10 వేలు అందుబాటులో ఉన్నాయి.