స్టాక్‌ బ్రోకర్లపై నిఘా

స్టాక్‌ బ్రోకర్ల ద్వారా జరిగే మోసాలను గుర్తించేందుకు, వాటికి అడ్డుకట్ట వేసేందుకు త్వరలో మార్కెట్స్‌ రెగ్యులేటర్‌ సెబీ ఓ పటిష్ట వ్యవస్థను తీసుకురానున్నది. ఈ మేరకు స్టాక్‌ బ్రోకర్ల రెగ్యులేషన్స్‌కు సవరణలు చేయనున్నది. ఆమోదిత సవరణలు ఈ ఏడాది అక్టోబర్‌ 1 నుంచి అమల్లోకి రానున్నాయి.

• మోసాల కట్టడికి చర్యలు
• ఓ పటిష్ట వ్యవస్థను తేనున్న సెబీ
• బోర్డుల్లో శాశ్వత సభ్యత్వాల్లేవిక

ముంబై, మార్చి 29: స్టాక్‌ బ్రోకర్ల ద్వారా జరిగే మోసాలను గుర్తించేందుకు, వాటికి అడ్డుకట్ట వేసేందుకు త్వరలో మార్కెట్స్‌ రెగ్యులేటర్‌ సెబీ ఓ పటిష్ట వ్యవస్థను తీసుకురానున్నది. ఈ మేరకు స్టాక్‌ బ్రోకర్ల రెగ్యులేషన్స్‌కు సవరణలు చేయనున్నది. ఆమోదిత సవరణలు ఈ ఏడాది అక్టోబర్‌ 1 నుంచి అమల్లోకి రానున్నాయి. అంతర్గత నియంత్రణ, ట్రేడింగ్‌ కార్యకలాపాల నిఘా కోసం ఓ విజిల్‌-బ్లోయర్‌ పాలసీని కూడా పరిచయం చేయనున్నది. బుధవారం ఇక్కడ సెక్యూరిటీస్‌ అండ్‌ ఎక్స్‌చేంజ్‌ బోర్డ్‌ ఆఫ్‌ ఇండియా (సెబీ) బోర్డు సమావేశం జరిగింది. ఇందులో పలు ప్రతిపాదనలకు ఆమోదం లభించింది. కాగా, దేశీయ క్యాపిటల్‌ మార్కెట్లలో మరో కార్వీ ఇష్యూను రానివ్వబోమని, ఒకవేళ అలాంటిది జరిగితే అది మన మృతదేహాలపైనేనని బోర్డు సమావేశం అనంతరం విలేకరులతో మాట్లాడుతూ సెబీ చైర్‌పర్సన్‌ మధాబి పురి బుచ్‌ అనడం గమనార్హం. ఇక సెబీ నిర్ణయాల్లో..

• మ్యూచువల్‌ ఫండ్‌ సంస్థలను సొంతం చేసుకోవడానికి ప్రైవేట్‌ ఈక్విటీ సంస్థలకు అనుమతి. ఇప్పటిదాకా ఆర్థిక సేవల సంస్థలు, కార్పొరేట్లకే ఈ అవకాశం.
• ఇకపై మ్యూచువల్‌ ఫండ్‌ వ్యాపారాన్ని కొనసాగించనున్న సెల్ఫ్‌ స్పాన్సర్డ్‌ అసెట్‌ మేనేజ్‌మెంట్‌ కంపెనీలు. వీటి ఏర్పాటుకు గ్రీన్‌సిగ్నల్‌
• సెకండరీ మార్కెట్‌ ఇన్వెస్టర్ల లావాదేవీల కోసం ఫండ్‌-బ్లాకింగ్‌ సదుపాయం
• లిస్టెడ్‌ కంపెనీల బోర్డుల్లో శాశ్వత సభ్యత్వాలకు స్వస్తి.
• ఆల్టర్నేటివ్‌ ఇన్వెస్ట్‌మెంట్‌ ఫండ్స్‌ కోసం మరింత కఠిన నిబంధనలు