21 నుంచి జియో ఐపీవో

రిలయన్స్‌ ఇండస్ట్రీస్‌కు చెందిన డిజిటల్‌, టెలికాం సంస్థ జియో ప్లాట్‌ఫామ్‌ లిమిటెడ్‌ (జేపీఎల్‌) ఎట్టకేలకు ఐపీవో తేదీలను ప్రకటించింది. ఈ నెల 21న ప్రారంభమై, 23న ముగియనున్నది. కాగా, రూ.10 ముఖ విలువ కలిగిన 27 కోట్ల ఈక్విటీ షేర్లను విక్రయించనున్నారు.

• షేర్‌ ధరల శ్రేణి రూ.1,065-1,119 l రూ.30,213 కోట్లు సమీకరణ

ముంబై, అక్టోబర్‌ 14: రిలయన్స్‌ ఇండస్ట్రీస్‌కు చెందిన డిజిటల్‌, టెలికాం సంస్థ జియో ప్లాట్‌ఫామ్‌ లిమిటెడ్‌ (జేపీఎల్‌) ఎట్టకేలకు ఐపీవో తేదీలను ప్రకటించింది. ఈ నెల 21న ప్రారంభమై, 23న ముగియనున్నది. కాగా, రూ.10 ముఖ విలువ కలిగిన 27 కోట్ల ఈక్విటీ షేర్లను విక్రయించనున్నారు. యాంకర్‌ ఇన్వెస్టర్ల కోసం ఈ నెల 19న సేల్‌ జరుగుతుంది. షేర్‌ ధరల శ్రేణి రూ.1,065-1,119గా ఉన్నది. ఈ వాటాల విక్రయం ద్వారా సంస్థ గరిష్ఠంగా రూ.30,213 కోట్ల వరకు నిధులు సమీకరించాలని యోచిస్తున్నది. కంపెనీ షేర్లు ఈ నెల 28న లిస్ట్‌ కానున్నాయి. అర్హులైన జేపీఎల్‌ ఉద్యోగుల కోసం రూ.500 కోట్ల వరకు, రిలయన్స్‌ వాటాదారుల కోసం రూ.2,500 కోట్ల విలువైన షేర్లను కేటాయించనున్నారు. ఒక్కో షేర్‌పై రూ.54 డిస్కౌంట్‌ సంస్థ ఇస్తున్నది. లాట్‌ ధరను రూ.13,428గా జియో నిర్ణయించింది.