Infosys | రెండేండ్ల కనిష్టానికి ఇన్ఫీ షేర్ పతనం.. కారణం అదేనా?!
Infosys | సోమవారం దేశీయ స్టాక్ మార్కెట్ల ఇంట్రా డే ట్రేడింగ్లో ఇన్ఫోసిస్ రెండేండ్ల కనిష్టస్థాయికి పతనమైంది. 2019 అక్టోబర్ తర్వాత స్టాక్ భారీగా నష్టపోవడం ఇదే తొలిసారి.
Infosys | ఐటీ దిగ్గజం ఇన్ఫోసిస్ షేర్లు రెండేండ్ల కనిష్ట స్థాయికి పతనమయ్యాయి. 2022-23 మార్చి త్రైమాసికం ఆర్థిక ఫలితాలు మార్కెట్ అంచనాలను మిస్ కావడంతో సోమవారం ట్రేడింగ్ ప్రారంభంలోనే ఇన్ఫీ షేర్ దాదాపు 15 శాతం నష్టపోయింది. 2019 అక్టోబర్ తర్వాత ఇంట్రాడే ట్రేడింగ్లో ఇన్ఫోసిస్ స్టాక్ భారీగా నష్టపోవడం ఇదే తొలిసారి. నిఫ్టీలో ఐటీ ఇండెక్స్ 7.6 శాతం పతనమైంది. తిరిగి ట్రేడింగ్ ముగిసే సమయానికి ఇన్ఫోసిస్ తిరిగి కోలుకుని తొమ్మిది శాతం నష్టంతో సరిపెట్టుకున్నది. తద్వారా ఇన్ఫీ మార్కెట్ క్యాపిటలైజేషన్ రూ.59,349 కోట్లు కోల్పోయింది.
2023-24లో ఇలా ఇన్ఫోసిస్ గ్రోత్ గైడెన్స్
అమెరికాతోపాటు ఈయూ బ్యాంక్ల్లో ఆర్థిక సంక్షోభంతో ప్రస్తుత ఆర్థిక సంవత్సరం రెవెన్యూ గైడెన్స్ బలహీనంగా 4-7 శాతమే ఉంటుందని ఇన్ఫీ అంచనా వేయడంతో ఇన్వెస్టర్ల సెంటిమెంట్ దెబ్బ తిన్నది. మార్కెట్ విశ్లేషకులు 10.7 శాతం గ్రోత్ ఉంటుందని అంచనా వేశారు. గత ఆర్థిక సంవత్సరం చివరి త్రైమాసికంలో ఇన్ఫోసిస్ రూ.6128 కోట్ల నికర లాభం గడించింది. మార్కెట్ విశ్లేషకులు రూ.6624 కోట్ల నికర లాభం గడిస్తుందని అంచనా వేశారు. ఆర్థిక మాంద్యం భయాలతో బ్యాంకింగ్, ఫైనాన్సియల్, ఇన్సూరెన్స్ సహా దాదాపు అన్ని రంగాల క్లయింట్లు పొదుపు చర్యలు పాటిస్తున్నాయి. గతంలో 2017-18 ఆర్థిక సంవత్సరంలో ఇన్ఫోసిస్ అతి తక్కువగా 5.8 శాతం గ్రోత్రేట్ నమోదైంది.
బీఎస్ఈ, ఎన్ఎస్ఈల్లో ఇన్ఫీ స్టాక్ ఇలా పతనం
ఫలితంగా బీఎస్ఈలో ఇన్ఫోసిస్ స్టాక్ 12.21 శాతం నష్టంతో రూ.1219 వద్ద 52 వారాల గరిష్టంతో ట్రేడయింది. ఎన్ఎస్ఈలో 14.67 శాతం (52 వారాల కనిష్టం) పతనమై రూ.1,185.30 వద్ద ట్రేడయింది. బీఎస్ఈ సెన్సెక్స్, ఎన్ఎస్ఈ నిఫ్టీల్లో భారీగా పతనమైన స్టాక్గా ఇన్ఫోసిస్ నిలిచింది.
ఐటీ స్టాక్స్కు భారీ నష్టం
బీఎస్ఈ-30 ఇండెక్స్ సెన్సెక్స్ ఉదయం 891.04 పాయింట్లు (1.47 శాతం) నష్టంతో 59,539.96 పాయింట్ల వద్ద బలహీనంగా ట్రేడింగ్ ప్రారంభమైంది. ఇన్ఫోసిస్తోపాటు ఇతర ఐటీ స్టాక్స్ భారీ నష్టపోయాయి. అలా నష్టపోయిన వాటిలో టెక్ మహీంద్రా, హెచ్సీఎల్ టెక్నాలజీస్, టాటా కన్సల్టెన్సీ సర్వీసెస్ (టీసీఎస్), విప్రో స్టాక్స్ 3-6 శాతం మధ్య పతనం అయ్యాయి. ఇన్ఫోసిస్, టీసీఎస్ సహా ఐటీ సంస్థలకు వచ్చే రెవెన్యూలో 25 శాతానికి పైగా అమెరికా, ఈయూ బ్యాంకింగ్, ఫైనాన్సియల్, బీమా సెక్టార్ల నుంచే కావడం గమనార్హం. గత నెలలో అమెరికాలో రెండు మధ్య శ్రేణి బ్యాంకులు సంక్షోభంలో చిక్కుకున్న సంగతి తెలిసిందే.
Read Today's Latest Business News in Telugu and Telugu News
RELATED ARTICLES
తాజా వార్తలు
Health tips | మంచినీళ్లు తక్కువ తాగితేనే కాదు.. మరీ ఎక్కువ తాగినా ఆరోగ్యానికి హానికరమే..!
Nepal PM Balen Shah | భారత్ చేరుకున్న నేపాల్ ప్రధాని.. సోమవారం ప్రధాని మోదీతో చర్చలు
Festivals | పండుగల సమయంలో స్వీట్లను ఎక్కువగా తింటే షుగర్ లెవల్స్ ఎప్పటికీ అలాగే ఉంటాయా..?
JEE Main | ఈ రాత్రి 12 గంటలకు ముగియనున్న గడువు.. ఇప్పటికే 13 లక్షలు దాటిన జేఈఈ దరఖాస్తులు..!
Health tips | మీలో ఈ లక్షణాలుంటే ఆలస్యం చేయకుండా థైరాయిడ్ పరీక్షలు చేయించుకోండి..!
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

