ఇండిగో ఫ్యూయల్‌ చార్జీ పెంపు

విమానయాన దిగ్గజం ఇండిగో..దేశీయ, అంతర్జాతీయ విమాన టికెట్లపై రూ.275 నుంచి రూ.10 వేల వరకు ఫ్యూయల్‌ చార్జీని వసూలు చేస్తున్నట్టు ప్రకటించింది. విమాన ఇంధనం ధరలు భగ్గుమనడంతో గతంలో విధించిన ఫ్యూయల్‌ చార్జీని మరింత పెంచినట్టు కంపెనీ వర్గాలు వెల్లడించాయి.

న్యూఢిల్లీ, ఏప్రిల్‌ 1 : విమానయాన దిగ్గజం ఇండిగో.. దేశీయ, అంతర్జాతీయ విమాన టికెట్లపై రూ.275 నుంచి రూ.10 వేల వరకు ఫ్యూయల్‌ చార్జీని వసూలు చేస్తున్నట్టు ప్రకటించింది. విమాన ఇంధనం ధరలు భగ్గుమనడంతో గతంలో విధించిన ఫ్యూయల్‌ చార్జీని మరింత పెంచినట్టు కంపెనీ వర్గాలు వెల్లడించాయి.

ఈ పెంపు ఈ నెల 2 నుంచి అమల్లోకి రానున్నాయని పేర్కొంది. ఏటీఎఫ్‌ ధరలు పెంచిన రోజే ఇండిగో ఫ్యూయల్‌ చార్జీలను సవరించడం విశేషం. గత నెల 14న ఇండిగో..రూ.425 నుంచి రూ.2,300 వరకు ఫ్యూయల్‌ చార్జీని విధిస్తున్నట్టు ప్రకటించింది.