మార్కెట్‌ @ 4 ట్రిలియన్‌ డాలర్లు తొలిసారి ఫీట్‌ సాధించిన భారత్‌

దేశంలోని స్టాక్‌ మార్కెట్‌ విలువ చరిత్రలో తొలిసారిగా 4 ట్రిలియన్‌ డాలర్ల స్థాయికి చేరింది. భారత కరెన్సీలో ఇది రూ.333.29 లక్షల కోట్లకు సమానం. బుధవారం జరిగిన పెద్ద ర్యాలీతో ఈ ఫీట్‌ సాధ్యపడింది. 2021 మే 24న బీఎస్‌ఈలో లిస్టయిన కంపెనీల మార్కెట్‌ విలువ ప్రధమంగా 3 ట్రిలియన్‌ డాలర్లు తాకిన తర్వాత రెండున్నర ఏండ్లలో మరో 1 ట్రిలియన్‌ డాలర్లు పెరిగింది. 2007 మే నెలలో భారత్‌ మార్కెట్‌ విలువ మొదటిసారిగా ఒక ట్రిలియన్‌ డాలర్లను చేరింది.

న్యూఢిల్లీ, నవంబర్‌ 29: దేశంలోని స్టాక్‌ మార్కెట్‌ విలువ చరిత్రలో తొలిసారిగా 4 ట్రిలియన్‌ డాలర్ల స్థాయికి చేరింది. భారత కరెన్సీలో ఇది రూ.333.29 లక్షల కోట్లకు సమానం. బుధవారం జరిగిన పెద్ద ర్యాలీతో ఈ ఫీట్‌ సాధ్యపడింది. 2021 మే 24న బీఎస్‌ఈలో లిస్టయిన కంపెనీల మార్కెట్‌ విలువ ప్రధమంగా 3 ట్రిలియన్‌ డాలర్లు తాకిన తర్వాత రెండున్నర ఏండ్లలో మరో 1 ట్రిలియన్‌ డాలర్లు పెరిగింది. 2007 మే నెలలో భారత్‌ మార్కెట్‌ విలువ మొదటిసారిగా ఒక ట్రిలియన్‌ డాలర్లను చేరింది.

అక్కడ్నుంచి 1.5 ట్రిలియన్‌ డాలర్ల స్థాయిని అందుకోవడానికి దాదాపు ఏడేండ్లు (2014 జూన్‌) పట్టింది. 2 ట్రిలియన్‌ డాలర్లస్థాయిని 2017 జూన్‌ 6న అందుకుంది. 2.5 ట్రిలియన్‌ డాలర్ల విలువకు 2020 డిసెంబర్‌లో చేరింది. ప్రపంచంలో 4 ట్రిలియన్‌ డాలర్లను మించిన మార్కెట్లలో యూఎస్‌ (47.78 ట్రిలియన్‌ డాలర్లు), చైనా (9.74 ట్రిలియన్‌ డాలర్లు), జపాన్‌ (6.02 ట్రిలియన్‌ డాలర్లు), హాంకాంగ్‌ (4.78 ట్రిలియన్‌ డాలర్లు) ఉన్నాయని హెచ్‌డీఎఫ్‌సీ సెక్యూరిటీస్‌ తెలిపింది.

727 పాయింట్ల ర్యాలీ

అంతర్జాతీయ సానుకూల సంకేతాల నడు మ సెన్సెక్స్‌ 727 పాయింట్లు ర్యాలీ జరిపి 66,902 పాయింట్ల వద్ద ముగిసింది. ఈ సంవత్సరం లిస్టెడ్‌ కంపెనీల మార్కెట్‌ విలువ రూ.50.90 లక్షల కోట్ల మేర పుంజుకుంది. అయితే ఈ ఏడాది సెప్టెంబర్‌ 15న సాధించిన రికార్డు 67,927 పాయింట్లను సెన్సెక్స్‌ ఇంకా అందుకోవాల్సి ఉంది. దాదాపు 1,000 పాయింట్ల దూరంలో ఉంది.