HDFC Bank Aditya Puri| హెచ్డీఎఫ్‌సీ బ్యాంక్ ఆదిత్య‌పూరి హైలేట్‌.. రిటైర్మెంట్‌లోనూ హై శాల‌రీ!

HDFC Bank Aditya Puri| త‌న రిటైర్‌మెంట్ సంవ‌త్స‌రంలోనూ అత్య‌ధిక వేత‌న భ‌త్యాలు అందుకున్న బ్యాంక‌ర్‌గా ఆదిత్య పూరి నిలిచారు. వేత‌నంగా రూ.13.82 కోట్లు ....

July 25, 2021 / 08:02 PM IST

HDFC Bank Aditya Puri| హెచ్డీఎఫ్‌సీ బ్యాంక్ ఆదిత్య‌పూరి హైలేట్‌.. రిటైర్మెంట్‌లోనూ హై శాల‌రీ!

న్యూఢిల్లీ: ఆదిత్య పూరి.. ప్ర‌ముఖ ప్రైవేట్ బ్యాంక్ హెచ్డీఎఫ్‌సీ బ్యాంకుకు సుదీర్ఘ కాలం సీఈవోగా ప‌ని చేసి గ‌తేడాది రిటైరయ్యారు. త‌న రిటైర్‌మెంట్ సంవ‌త్స‌రంలోనూ అత్య‌ధిక వేత‌న భ‌త్యాలు అందుకున్న బ్యాంక‌ర్‌గా ఆదిత్య పూరి నిలిచారు. దేశంలోని టాప్-3 ప్రైవేట్ బ్యాంకుల అధినేత‌ల్లో ఆదిత్య పూరీ.. వేత‌నంతోపాటు ఇత‌ర భ‌త్యాలు అత్య‌ధికంగా రూ.13.82 కోట్లు తీసుకున్నారు. రిటైర్మెంట్ బెనిఫిట్స్ రూ.3.5 కోట్లు కూడా వీటిల్లో జ‌త క‌లిశాయి.

హెచ్డీఎఫ్‌సీ సీఈవోగా శ‌శిధ‌ర్ జ‌గ‌దీశ‌న్‌

ఆయ‌న స్థానంలో గతేడాది అక్టోబ‌ర్ 27వ తేదీన సీఈవో కం మేనేజింగ్ డైరెక్ట‌ర్‌గా బాధ్య‌త‌లు స్వీక‌రించిన శ‌శిధ‌ర్ జ‌గ‌దీశ‌న్ ఒక ఆర్థిక సంవ‌త్స‌రంలో రూ.4.77 కోట్ల స్థూల వేత‌నం అందుకున్నారు.

స్ఫూర్తిగా ఐసీఐసీఐ ఎండీ సందీప్ బ‌క్షి

హెచ్డీఎఫ్‌సీ బ్యాంకు ప్ర‌త్య‌ర్థి బ్యాంకు ఐసీఐసీఐ బ్యాంక్ ఎండీ కం సీఈవో సందీప్ బ‌క్షి స్ఫూర్తిదాయ‌కంగా నిలిచారు. క‌రోనా ప్ర‌భావం తీవ్రంగా ఉండటంతో స్వ‌చ్ఛందంగా ఆయ‌న బేసిక్ అండ్ స‌ప్లిమెంట‌రీ అల‌వెన్స్‌లు వ‌దులుకున్నారు.

అల‌వెన్స్‌ల పేరిట రూ.కోటి స్వీక‌ర‌ణ‌

అయిన‌ప్ప‌టికీ అల‌వెన్స్‌లు త‌దిత‌రాల కింద రూ.38.38 ల‌క్ష‌ల మేర‌కు సందీప్ బ‌క్షి అందుకున్నార‌ని ఐసీఐసీఐ బ్యాంక్ త‌న వార్షిక నివేదిక‌లో వెల్ల‌డించింది. ఐసీఐసీఐ ప్రూడెన్షియ‌ల్ లైఫ్ ఇన్సూరెన్స్ కంపెనీ పెర్ఫార్మెన్స్ బోన‌స్ కింద రూ.63.60 ల‌క్ష‌లు అద‌నంగా అందుకున్నారు బ‌క్షి.

యాక్సిస్ బ్యాంక్‌లో నో శాల‌రీ ఇంక్రిమెంట్స్‌

మూడో స్థానంలో ఉన్న యాక్సిస్ బ్యాంక్ సార‌ధి అమితాబ్ చౌద‌రి వార్షిక వేత‌నంగా రూ.6.52 కోట్లు అందుకున్నారు. అయితే 2020-21లో టాప్ మేనేజ్మెంట్‌కు ఎటువంటి శాల‌రీ ఇంక్రిమెంట్లు ఇవ్వ‌లేదు.

ఐసీఐసీఐ బ్యాంకులో ఇలా స్వ‌చ్ఛంద కోత‌లు

ఒక ఐసీఐసీఐ బ్యాంకులో ఎగ్జిక్యూటివ్ డైరెక్ట‌ర్ల‌తోపాటు చీఫ్ ఫైనాన్సియ‌ల్ ఆఫీస‌ర్‌, కంపెనీ సెక్ర‌ట‌రీ త‌దిత‌రులు క‌రోనా మ‌హ‌మ్మారి ప్ర‌భావం నేప‌థ్యంలో గ‌త మే నుంచి త‌మ వేత‌నాల్లో 10 శాతం త‌గ్గించుకుంటామ‌ని స్వ‌చ్ఛందంగా ప్ర‌క‌టించారు. హోల్‌సేల్ బ్యాంకింగ్ ఎగ్జిక్యూటివ్ డైరెక్ట‌ర్ ఇన్‌చార్జి విశాఖ ముల్యే స్థూలంగా రూ.5.64 కోట్ల వేత‌నం తీసుకున్నారు.

యాక్సిస్ బ్యాంకులో 200 మంది గుడ్‌బై

ఐసీఐసీఐ బ్యాంకు ఉద్యోగుల్లో ఒక‌రు 139 రెట్లు, 104 రెట్లు, ఎగ్జిక్యూటివ్ డైరెక్ట‌ర్ల‌లో 96 రెట్లు వేత‌నాన్ని అందుకున్నారు. ఇక హెచ్డీఎఫ్‌సీ బ్యాంకులో రూ.8.5 ల‌క్ష‌ల పై చిలుకు వేత‌నం అందుకున్న 200 మంది ఎగ్జిక్యూటివ్‌లు మ‌ధ్య‌లో రాజీనామా చేశారు.