Shiv Nadar | రోజుకు 5.9 కోట్ల విరాళం.. దాతృత్వంలో అదానీ, అంబానీలకు అందనంత దూరంలో శివ్‌ నాడర్‌

దేశీయ కుబేరుల్లో ఒకరైన హెచ్‌సీఎల్‌ టెక్నాలజీ చైర్మన్‌ శివ్‌ నాడర్‌ దాతృత్వంలో మరోసారి సత్తాచాటారు. రోజుకు రూ.5.9 కోట్ల చొప్పున 2023-24 ఆర్థిక సంవత్సరానికిగాను రూ.2,153 కోట్లు విరాళ రూపంలో చెల్లింపులు జరిపారు. ఎడల్‌గివ్‌-హురున్‌ ఇండియా ఫిలంథ్రోపీ విడుదల చేసిన దేశీయ జాబితా ద్వారా ఈ విషయం వెల్లడైంది.

• 2023-24లో రూ.2,153 కోట్లు విరాళమిచ్చిన శివ్‌ నాడర్‌

Shiv Nadar | ముంబై, నవంబర్‌ 7: దేశీయ కుబేరుల్లో ఒకరైన హెచ్‌సీఎల్‌ టెక్నాలజీ చైర్మన్‌ శివ్‌ నాడర్‌ దాతృత్వంలో మరోసారి సత్తాచాటారు. రోజుకు రూ.5.9 కోట్ల చొప్పున 2023-24 ఆర్థిక సంవత్సరానికిగాను రూ.2,153 కోట్లు విరాళ రూపంలో చెల్లింపులు జరిపారు. ఎడల్‌గివ్‌-హురున్‌ ఇండియా ఫిలంథ్రోపీ విడుదల చేసిన దేశీయ జాబితా ద్వారా ఈ విషయం వెల్లడైంది. అంతక్రితం ఏడాది ఇచ్చిన విరాళం కంటే ఇది ఐదు శాతం అధికమని పేర్కొంది. అలాగే ఇతర దేశీయ శ్రీమంతులుగా వెలుగొందుతున్న గౌతమ్‌ అదానీ, ముకేశ్‌ అంబానీలు శివ్‌ నాడర్‌ కంటే చాలా దూరంలో నిలిచారు.

గడిచిన ఆర్థిక సంవత్సరంలో గౌతమ్‌ అదానీ కేవలం రూ.330 కోట్లు విరాళం ఇవ్వగా, ముకేశ్‌ అంబానీ రూ.407 కోట్లతో సరిపెట్టుకున్నారు. బజాజ్‌ కుటుంబం ర్యాంక్‌ మూడు స్థానాలు ఎగబాకి మూడో స్థానానికి చేరుకోగా, కుమారమంగళం బిర్లా అండ్‌ ఫ్యామిలీ నాలుగో స్థానంలో నిలిచారు.

• వ్యక్తిగతంగా రూ.5 కోట్ల కంటే అధికంగా విరాళం ఇచ్చిన వారి సంఖ్య 203
• రూ.1,000 కోట్ల కంటే అధిక నికర విలువ కలిగిన వారు 1,539 మంది ఉండగా, వీరి సంపద 46 శాతం చొప్పున పెరిగింది.
• దేశీయ శ్రీమంతుల జాబితాలో రూ.3.14 లక్షల కోట్ల సంపదతో నాడర్‌ మూడో స్థానంలో ఉండగా, అదానీ రూ.11.6 లక్షల కోట్లతో తొలిస్థానంలో, రూ.10.14 లక్షల కోట్లతో అంబానీ ఆ తర్వాతి స్థానంలో ఉన్నారు.
• అజీం ప్రేమ్‌జీ విరాళం రూ.1,774 కోట్ల నుంచి రూ.152 కోట్లకు తగ్గాయి.
• అత్యధికంగా విరాళం అందుకున్న రంగాల్లో విద్యారంగంలోకి రూ.3,680 కోట్లు ఇవ్వగా, ఆ తర్వాతి హెల్త్‌కేర్‌ విభాగంలో రూ.626 కోట్లు, గ్రామాల అభివృద్ధి కోసం రూ.331 కోట్లు ఇచ్చారు.