Microsoft AI | లేటెస్ట్ టెక్నాల‌జీపై టెక్ దిగ్గ‌జం ఫోక‌స్ : మైక్రోసాఫ్ట్ ఏఐ సీఈవోగా గూగుల్ డీప్‌మైండ్ కో ఫౌండ‌ర్‌

Microsoft AI : టెక్ దిగ్గ‌జాలు మైక్రోసాఫ్ట్‌, గూగుల్ ఏఐ రేస్‌లో దూకుడు పెంచాయి. రెండు దిగ్గ‌జ కంపెనీలు త‌మ సొంత ఏఐ చాట్‌బాట్స్ బింగ్ (కోపైల‌ట్‌), బార్డ్ (జెమిని)ల‌ను లాంఛ్ చేశాయి.

Microsoft AI : టెక్ దిగ్గ‌జాలు మైక్రోసాఫ్ట్‌, గూగుల్ ఏఐ రేస్‌లో దూకుడు పెంచాయి. రెండు దిగ్గ‌జ కంపెనీలు త‌మ సొంత ఏఐ చాట్‌బాట్స్ బింగ్ (కోపైల‌ట్‌), బార్డ్ (జెమిని)ల‌ను లాంఛ్ చేశాయి. ఇక ఏఐ టూల్స్‌ను ఎప్ప‌టిక‌ప్పుడు మెరుగుప‌రుస్తూ ముందుకెళుతున్నాయి. ఇక జ‌న‌రేటివ్ ఏఐపై మ‌రింత ఫోక‌స్ పెడుతూ మైక్రోసాఫ్ట్ న్యూ ఏఐ డివిజ‌న్‌ను డెవ‌ల‌ప్ చేస్తోంది.

ఈ న్యూ ఏఐ డివిజ‌న్‌కు సీఈవోగా గూగుల్ డీప్‌మైండ్ కో పౌండ‌ర్ ముస్త‌ఫా సులేమాన్‌ను మైక్రోసాఫ్ట్ నియ‌మించింది. డీప్‌మైండ్‌లో అప్లైడ్ ఏఐ హెడ్‌గా ప‌నిచేసిన సులేమాన్ నూత‌న నియామ‌కంపై ఎక్స్ వేదిక‌గా పోస్ట్ చేశారు. మైక్రోసాఫ్ట్ ఏఐ డివిజ‌న్‌కు నేతృత్వం వ‌హించేందుకు తాను ఉత్సుక‌త‌తో వేచిచూస్తున్నాన‌ని సులేమాన్ రాసుకొచ్చారు.

త‌న స్టార్ట‌ప్ ఇన్‌ఫ్లెక్ష‌న్ఏఐ కో ఫౌండ‌ర్ క‌రెన్ సిమోన్య‌న్ స‌హా ప‌లువురు ఉద్యోగులు త‌న‌తో పాటు మైక్రోసాఫ్ట్ ఏఐ డివిజ‌న్‌లో చేరుతున్నార‌ని చెప్పారు. ఇన్‌ఫ్లెక్ష‌న్ ఏఐకి కొత్త సీఈవో వ‌స్తార‌ని ఈ స్టార్ట‌ప్‌తో అద్భుత ప్ర‌యాణం సాగింద‌ని సులేమాన్ గుర్తుచేసుకున్నారు. ప‌నులు ఇప్పుడే మొద‌ల‌య్యాయ‌ని రాస్తూ ఆయ‌న త‌న పోస్ట్‌ను ముగించారు.

Read More :

Worlds Happiest Countries | ప్రపంచంలోనే అత్యంత సంతోషకరమైన దేశాలివే.. టాప్‌లో ఫిన్లాండ్‌.. భారత్‌ స్థానం ఎంతంటే..?