రుణగ్రహీతలకు ఆర్థిక క్రమశిక్షణే ప్రధానం
సిబిల్ స్కోర్ అంటే మన ఆర్థిక స్థితిగతే. మనకు అప్పు తీర్చే స్థోమత ఏ స్థాయిలో ఉంది? అని తెలుసుకునే ప్రామాణికం. రుణాలు ఇచ్చే ఏ సంస్థలకైనా ఇప్పుడిదే ఏకైక ప్రాతిపదిక. కనీసం 750కిపైన స్కోర్ ఉంటేనే మనం సేఫ్ జోన్లో ఉన్నామని అనుకోవచ్చు. సిబిల్ స్కోర్ తగ్గిపోవడానికి అనేక అంశాలు కారణాలుగా నిలుస్తున్నాయి. అవి..
పేలవమైన రుణ చరిత్ర
తీసుకున్న రుణాల ఈఎంఐలు, క్రెడిట్ కార్డులకు సంబంధించిన చెల్లింపులు సక్రమంగా లేకపోతే రుణ చరిత్ర ప్రమాదంలో పడుతుంది. మొండి బకాయిల జాబితాలో చేరి సిబిల్ స్కోర్ డేంజర్ లెవల్కు దిగజారుతుంది.
రుణాల కోసం పదేపదే వెళ్లడం
కొత్త రుణాలు, క్రెడిట్ కార్డుల కోసం పదేపదే బ్యాంకులు, ఆర్థిక సంస్థల వద్దకు వెళ్లడం మంచిది కాదు. ఎందుకంటే మీ సిబిల్ క్రెడిట్ రిపోర్టులో ఇవన్నీ రికార్డవుతాయి. దీంతో రుణాల అవసరం ఎక్కువగా ఉన్న వ్యక్తిగా మీపై ముద్ర పడిపోతుంది. దీంతో డిఫాల్టర్గా మారవచ్చు. అలాగే రుణ దరఖాస్తులు తిరస్కరణకు గురైనా స్కోర్ క్షీణిస్తుంది.
సిబిల్ రిపోర్టులో తప్పులు
సిబిల్ స్కోర్ను ఎప్పటికప్పుడు చెక్ చేసుకోండి. ఏవైనా తప్పులుంటే సదరు సంస్థ, లేదంటే రుణదాతలకు సమాచారం అందించి సవరణలు చేయించుకోవడం మర్చిపోవద్దు.
ఇదీ.. విషయం
రోజుల వ్యవధిలో మన స్కోర్ మారిపోదు. బకాయిలు తీర్చేసిన వెంటనే మన స్కోర్లో మార్పులు వచ్చేయవు. ఇది క్రెడిట్ హిస్టరీ ఇన్ఫర్మేషన్. దీర్ఘకాలంపాటు క్రమపద్ధతిలో మనం చేసే చెల్లింపులే మన పరపతిని పెంచుతాయి. సాధ్యమైనంతగా తక్కువ అప్పులు తీసుకోవడం, వాటిని గడువులోగా చెల్లించేయడం అనేది ఓ జీవనశైలిగా మారాలి.
– నాగేంద్ర సాయి కుందవరం
ఇవి గుర్తుంచుకోండి..
స్కోర్ ఎలా పెంచుకోవచ్చు