వైభవంగా భారత్‌ మొబిలిటీ ఎక్స్‌పో

భారత్‌ మొబిలిటీ ఎక్స్‌పో అంగరంగ వైభవంగా ప్రారంభమైంది. ప్రధాని నరేంద్ర మోదీ ప్రారంభించిన ఈ ఎక్స్‌పోలో పలు ఆటోమొబైల్‌ సంస్థలు తమ మాడళ్లను ప్రదర్శించాయి. ఈ సందర్భంగా మోదీ మాట్లాడుతూ..2014 కంటే ముందు పదేండ్లలో 12 కోట్ల వాహనాలు అమ్ముడవగా, 2014 నుంచి ఇప్పటి వరకు 21 కోట్ల వాహనాలు దేశీయంగా అమ్ముడయ్యాయన్నారు.

• పలు మాడళ్లను ప్రదర్శించిన ఆటోమొబైల్‌ సంస్థలు

న్యూఢిల్లీ, ఫిబ్రవరి 2: భారత్‌ మొబిలిటీ ఎక్స్‌పో అంగరంగ వైభవంగా ప్రారంభమైంది. ప్రధాని నరేంద్ర మోదీ ప్రారంభించిన ఈ ఎక్స్‌పోలో పలు ఆటోమొబైల్‌ సంస్థలు తమ మాడళ్లను ప్రదర్శించాయి. ఈ సందర్భంగా మోదీ మాట్లాడుతూ..2014 కంటే ముందు పదేండ్లలో 12 కోట్ల వాహనాలు అమ్ముడవగా, 2014 నుంచి ఇప్పటి వరకు 21 కోట్ల వాహనాలు దేశీయంగా అమ్ముడయ్యాయన్నారు. అలాగే పదేండ్ల క్రితం కేవలం 2 వేల ఎలక్ట్రిక్‌ వాహనాలు అమ్ముడవగా, ప్రస్తుతం ఈ సంఖ్య 12 లక్షల యూనిట్లకు చేరుకున్నాయన్న ఆయన..ప్యాసింజర్‌ వాహనాలు కూడా టాప్‌గేర్‌లో దూసుకుపోతున్నాయని చెప్పారు. భారత్‌ మొబిలిటీ గ్లోబల్‌ ఎక్స్‌పో 2024లో మారుతి సుజుకీ, హ్యుందాయ్‌, టాటా మోటర్స్‌, మహీంద్రా అండ్‌ మహీంద్రా, టయోటా, బెంజ్‌, బీఎండబ్ల్యూలు పలు రకాల ఫ్యూయల్‌ టెక్నాలజీస్‌, సీఎన్‌జీ, హైబ్రిడ్‌, ఎలక్ట్రిక్‌ వాహనాలను ప్రదర్శించాయి.

• మారుతి సుజుకీ ఈవీఎక్స్‌, ఫ్లెక్స్‌-ఫ్యూయల్‌ వ్యాగన్‌ ఆర్‌, హైబ్రిడ్‌ గ్రాండ్‌ విటారా, జిమ్నీలతోపాటు స్కైడ్రైవ్‌ ఈ-ఫైయింగ్‌ కారును ప్రదర్శించింది.
• లగ్జరీ కార్ల సంస్థ బెంజ్‌ కాన్సెప్ట్‌ ఈక్యూజీ, ఈ-వ్యాగన్‌, జీఎల్‌ఏ, ఏఎంజీ గీఎల్‌ఈ 54 కౌప్‌ వంటి మాడళ్లను ప్రదర్శించింది.
• ఎలక్ట్రిక్‌ బీ-ర్యాలీ-ఈ, ఎలక్ట్రిక్‌ ఎక్స్‌యూవీ400, ఎలక్ట్రిక్‌ 3డబ్ల్యూ ట్రియో, ప్రొటోటైప్‌ ఫ్యూయల్‌ వాహన టెక్నాలజీ మాడళ్లను ఉంచింది మహీంద్రా.
• ట్రావెల్లర్‌ ఎలక్ట్రిక్‌, అర్బనై డీజిల్‌, ట్రావెల్లర్‌ సీఎన్‌జీ మాడళ్లను ప్రదర్శించింది ఫోర్స్‌ మోటర్స్‌
• ఎలక్ట్రిక్‌ స్కూటర్స్‌ టీవీఎస్‌ ఎక్స్‌, టీవీఎస్‌ ఐక్యూబ్‌ మాడళ్లను ప్రదర్శించింది టీవీఎస్‌ మోటర్‌