Visit:
హైదరాబాద్ : సగం ధరకే సినిమా టిక్కెట్‌ అంటే నమ్మలేకపోతున్నారా..? ఇది మాత్రం నిజం. ఇండియన్ బ్యాంకు క్రెడిట్ కార్డు ద్వారా సినిమా టిక్కెట్‌ బుక్ చేసుకుంటే 50 శాతం తగ్గింపు ఇస్తున్నట్లు ఇండియన్ బ్యాంకు ప్రకటించింది. లాక్ డౌన్ సమయంలో నష్టపోయిన వ్యాపారాన్ని గాడిలో పెట్టేందుకు సినిమా హాళ్లు, బ్యాంకులు, బుకింగ్ యాప్‌లు కస్టమర్లను ఆకర్షించేందుకు రకరకాల ఆఫర్లు ఇస్తున్నాయి. ఇందులో భాగంగా ఇండియన్ బ్యాంకు కూడా ఈ ప్రకటన చేసింది.ట్విట్టర్ ద్వారా ఈ ఆఫర్ ను ప్రకటించింది ఇండియన్ బ్యాంకు. డిసెంబర్ 31, 2021 వరకు చెల్లుబాటులో ఉంటుందని తెలిపింది.
క్రెడిట్ కార్డుపై సినిమా టిక్కెట్లు బుక్ చేసుకుంటే యాభై శాతం తగ్గింపును అందిస్తున్నట్లు వెల్లడించింది. ఇండియన్ బ్యాంక్ క్రెడిట్ కార్డ్ కస్టమర్లు బుక్ మై షో ద్వారా టిక్కెట్లను బుక్ చేసుకుంటే 50 శాతం తగ్గింపు అందిస్తోంది. అయితే ఇందులో కొన్ని నిబంధనలు, షరతులు కూడా ఉన్నాయి.
