Dhanteras 2022 | బంగారం కొనుగోలుకు బెస్ట్ టైం.. ఇదీ పూజా ముహూర్తం !
Dhanteras 2022 | ధంతేరాస్ నాడు బంగారం కొనుగోలు చేయడం వల్ల తమ కుటుంబంలోకి లక్ష్మీదేవి వస్తుందని భారతీయులు నమ్ముతుంటారు.
Dhanteras 2022 | ధన త్రయోదశి అంటే ధంతేరాస్గా పాపులర్. ప్రతియేటా ఐదు రోజులు సాగే దీపావళి వేడుకలు ధంతేరాస్తోనే మొదలవుతాయి. హిందూ క్యాలెండర్ ప్రకారం ప్రతియేటా ఆశ్వయుజ మాసం కృష్ణ పక్షం 13వ రోజు వచ్చే తిథి త్రయోదశిని ధన త్రయోదశి అంటారు. ధంతేరాస్ సందర్భంగా వీసమెత్తైనా బంగారం కొనుగోలు చేయాలని భారతీయులు భావిస్తారు. బంగారంతోపాటు వెండి, గృహోపకరణాలు, పాత్రలు తదితర వస్తువులను కొనుగోలు చేయడంతో తమ కుటుంబానికి శ్రేయస్సు లభిస్తుందని నమ్మకం.
ఈ ఏడాది ధంతేరాస్ పూజా సమయం శనివారం (అక్టోబర్ 22) రాత్రి 7.00 గంటలకు మొదలై 8.17 గంటలకు ముగుస్తుంది. ధన త్రయోదశి పండుగను ఈ ఏడాది అక్టోబర్ 23 (ఆదివారం) జరుపుకుంటారు. ఆయుర్వేదానికి ఆధ్యుడిగా భావించే ధన్వంతరి జయంతి కూడా ఇదే రోజు.
అమృతం కోసం దేవ దానవులు పాల సముద్రాన్ని మధించినప్పుడు సంపదకు సంకేతంగా స్వర్ణ కలశంతో లక్ష్మీదేవి ఆవిర్భవించిందని హిందూ పురాణాలు చెబుతున్నాయి. లక్ష్మీదేవి గౌరవార్థం ప్రజలు ధంతేరాస్ రోజు బంగారం కొనుగోలు చేస్తుంటారు. అలా చేయడం వల్ల తమ ఇంటికి లక్ష్మీదేవి వస్తుందని విశ్వసిస్తుంటారు.
బంగారం కొనుగోలు చేయడానికి శుభముహూర్తంగా ధంతేరాస్ను పరిగణిస్తారు. ఈ ఏడాది ధంతేరాస్ శనివారం సాయంత్రం 6:02 గంటల నుంచి మొదలై ఆదివారం సాయంత్రం 6:03 గంటల వరకు ముగుస్తుంది. కనుక శనివారం (అక్టోబర్ 22) రాత్రి నుంచి ఆదివారం (అక్టోబర్ 23) వరకు బంగారం కొనుగోలు చేయొచ్చు. ధంతేరాస్ పూజ సమయం శనివారం రాత్రి 7.01 గంటల నుంచి 8.17 గంటల వరకు ముగుస్తుంది.
Read Today's Latest Business News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

