రిలయన్స్‌తో డీల్‌పై యథాతథ స్థితి

• ఫ్యూచర్‌ రిటైల్‌కు ఢిల్లీ హైకోర్టు ఆదేశం

న్యూఢిల్లీ: రిలయన్స్‌ రిటైల్‌ కంపెనీతో కుదుర్చుకున్న రూ.24,713 కోట్ల ఒప్పందం విషయంలో యథాతథ స్థితిని (స్టేటస్‌ కో) కొనసాగించాలని ఢిల్లీ హైకోర్టు ఫ్యూచర్‌ రిటైల్‌ లిమిటెడ్‌ (ఎఫ్‌ఆర్‌ఎల్‌) సంస్థను ఆదేశించింది. ఈ డీల్‌పై ఈ-కామర్స్‌ దిగ్గజం అమెజాన్‌ అభ్యంతరాన్ని వ్యక్తం చేయడంతో కోర్టు సోమవారం ఈ ఆదేశాలు జారీ చేసింది. ఈ ఒప్పందం విషయంలో అమెజాన్‌ హక్కులను కాపాడేందుకు వెంటనే మధ్యంతర ఉత్తర్వు జారీచేయాలన్న వాదనతో న్యాయస్థానం సంతృప్తి చెందిందని, అందుకే ఈ వ్యవహారంపై తీర్పు వెలువరించే వరకు యథాతథ స్థితిని కొనసాగించాల్సిందిగా ప్రతివాదుల (ఎఫ్‌ఆర్‌ఎల్‌)ను ఆదేశిస్తున్నామని జస్టిస్‌ జేఆర్‌ మిధా స్పష్టం చేశారు.