MGNREGS | పల్లె జనం పట్నాలకు వలసవెళ్లారట.. అందుకే `ఉపాధి`కి కోత విధించామన్నఆర్థిక సలహాదారు!
MGNREGS | పల్లె వాసులు పట్టణాలకు వలస వెళతారని, అందుకే ఉపాధి హామీ పథకానికి నిధుల్లో కోత విధించామని కేంద్ర ప్రధాన ఆర్థిక సలహాదారు వీ అనంత నాగేశ్వరన్ చెప్పారు.
MGNREGS | గ్రామీణ యువత.. ప్రత్యేకించి నిరుద్యోగులకు పని కల్పించే ఉపాధి హామీ పథకానికి నిధుల కేటాయింపులో కేంద్రం కోత విధించింది. దానికి కారణాలను కేంద్ర ప్రభుత్వ ప్రధాన ఆర్థిక సలహాదారు వీ అనంత నాగేశ్వరన్ సోమవారం వెల్లడించారు. ప్రధానమంత్రి అవాస్ యోజన, జల్ జీవన్ మిషన్లకు నిధుల కేటాయింపు పెంచామని తెలిపారు. ప్రధానమంత్రి ఆవాస్ యోజన, జల్ జీవన్ మిషన్ వల్ల గ్రామీణ యువతకు రెట్టింపు లబ్ధి చేకూరుతుందని చెప్పారు. గ్రామీణ శ్రామికులకు ఉపాధి లభిస్తుందన్న అంచనాలతోనే 2023-24 ఆర్థిక సంవత్సరంలో ఈ రెండు ప్రాజెక్టులకు నిధులు కేటాయించామని ఓ కార్యక్రమంలో మాట్లాడుతూ తెలిపారు. వచ్చే ఏడాది పల్లెవాసులు పట్నాలకు వలస వెళతారని, అందుకే ఉపాధి`కి నిధుల కోత విధించామన్నారు.
కేటాయింపుల్లో ఆ పథకానికి మూడో వంతు కోత
వచ్చే ఆర్థిక సంవత్సర బడ్జెట్లో ఉపాధి హామీ పథకంగా పేరొందిన మహాత్మాగాంధీ జాతీయ గ్రామీణ ఉపాధి హామీ పథకాని (ఎంజీఎన్ఆర్సీజీఎస్) కి దాదాపు మూడో వంతు నిధులు కోత విధించారు కేంద్ర ఆర్థిక మంత్రి నిర్మలా సీతారామన్. వచ్చే ఆర్థిక సంవత్సరంలో ఈ పథకానికి రూ.60 వేల కోట్లు కేటాయిస్తే, సవరించిన అంచనాల ప్రకారం ప్రస్తుత ఆర్థిక సంవత్సర కేటాయింపులతో పోలిస్తే 32 శాతం తక్కువ.
ఆ తర్వాతే ఉపాధి హామీకి కేటాయిస్తాం
`ఒకవేళ వారు (గ్రామీణ శ్రామికులు) పీఎంఏవై, జల్ జీవన్ మిషన్లలో చేరకపోతే, గిరాకీ ఉన్న పథకం ఎంజీఎన్ఆర్ఈజీఎస్ పథకానికి నిధులు ఎక్కువ కేటాయింస్తామని అనంత్ నాగేశ్వరన్ తెలిపారు. సాధారణంగా వచ్చే ఆర్థిక సంవత్సరం జీడీపీ 10.5-11 శాతం ఉంటుందన్నారు. అదే జరిగితే గ్రామీణ శ్రామికులు కొలువుల కోసం పట్టణాలకు వలస వెళతారని జోస్యం చెప్పారు. అందువల్లే ఉపాధి హామీ పథకానికి నిధుల్లో కోత విధించినట్లు తెలిపారు.
పీఎంఏవై.. జల్ జీవన్ కేటాయింపులు ఇలా
ప్రధానమంత్రి ఆవాజ్ యోజన పథకానికి బడ్జెట్లో కేంద్ర ఆర్థిక మంత్రి రూ.79,590 కోట్లు కేటాయించారు. అందులో పట్టణ ప్రాంతాలకు రూ.25,103 కోట్లు, గ్రామీణ ప్రాంతాలకు రూ.54,487 కోట్లు కేటాయించారు. ప్రస్తుత ఆర్థిక సంవత్సరంలో పట్టణ ప్రాంతాల్లో ప్రధానమంత్రి ఆవాజ్ యోజన పథకానికి రూ.2 వేల కోట్లు కేటాయించి.. సవరించిన అంచనాల్లో రూ.28,708 కోట్లకు పెంచారు. జల్ జీవన్ పథకానికి 2023-24లో రూ.69,684 కోట్లు కేటాయించారు. ప్రస్తుత ఆర్థిక సంవత్సరంలో కేటాయింపులు రూ.54,808 కోట్లు మాత్రమే.
Read Today's Latest Business News in Telugu and Telugu News
RELATED ARTICLES
తాజా వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Harish Rao | తుఫాన్ ముప్పు పొంచి ఉంది.. కల్లాల్లో ఉన్న వడ్లను వెంటనే కొనాలి: మాజీ మంత్రి హరీశ్ రావు
Road accident | అదుపుతప్పి డివైడర్ను ఢీకొట్టిన కారు.. ముగ్గురు దుర్మరణం..!
CPI Ramakrishna | ఏపీలో అధికార పార్టీ దౌర్జన్యం.. చంద్రబాబు మూల్యం చెల్లించక తప్పదు : సీపీఐ రామకృష్ణ
‘హరీశ్రావుపై అనుచిత వ్యాఖ్యలు చేస్తే సహించేది లేదు’
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

