హైదరాబాద్‌లో యూజ్డ్‌ కార్లకు గిరాకీ

హైదరాబాద్‌లో యూజ్డ్‌ కార్లకు గిరాకీ నెలకొన్నది. కొత్త కార్ల కంటే పాత కార్ల విక్రయాలు ఊపందుకుంటున్నాయని సర్వేలు వెల్లడిస్తున్నాయి. తాజాగా సెకండ్‌ హ్యాండ్‌ కార్ల విక్రయ సంస్థ కార్స్‌24 కూడా ఇదే అభిప్రాయాన్ని వ్యక్తం చేసింది. ప్రస్తుతేడాది తొలి ఆరు నెలల్లో పాత కార్ల విక్రయాలు 156 శాతం పెరిగాయని కార్స్‌24 కో-ఫౌండర్‌ గజేంద్ర జంగిడ్‌ తెలిపారు.

• జనవరి-జూన్‌ మధ్యకాలంలో 156 శాతం వృద్ధి: కార్స్‌24

హైదరాబాద్‌, సెప్టెంబర్‌ 5: హైదరాబాద్‌లో యూజ్డ్‌ కార్లకు గిరాకీ నెలకొన్నది. కొత్త కార్ల కంటే పాత కార్ల విక్రయాలు ఊపందుకుంటున్నాయని సర్వేలు వెల్లడిస్తున్నాయి. తాజాగా సెకండ్‌ హ్యాండ్‌ కార్ల విక్రయ సంస్థ కార్స్‌24 కూడా ఇదే అభిప్రాయాన్ని వ్యక్తం చేసింది. ప్రస్తుతేడాది తొలి ఆరు నెలల్లో పాత కార్ల విక్రయాలు 156 శాతం పెరిగాయని కార్స్‌24 కో-ఫౌండర్‌ గజేంద్ర జంగిడ్‌ తెలిపారు. సంస్థ విడుదల చేసిన నివేదికలో పలు అంశాలు..

• నగంలో అత్యధికంగా అమ్ముడవుతున్న వాహనాల్లో మారుతికి చెందిన స్విఫ్ట్‌, వ్యాగన్‌ఆర్‌, ఆల్టో, బాలెనోలు ఉన్నాయి. వీటితోపాటు రెనో క్విడ్‌, హ్యుందాయ్‌ ఎలైట్‌ ఐ20 సిటీ, ఫోక్స్‌వ్యాగన్‌ పోలోలు ఉన్నాయి.
• కొనుగోలుదారులు రూ. 6 లక్షల లోపు ధర కలిగిన అత్యధిక మైలేజీ ఇచ్చే వాహనాలకు మొగ్గుచూపుతున్నారు.
• మైలేజీ, ప్రీమియం ఫీచర్స్‌, ఎయిర్‌బ్యాగ్‌లు, డ్రైవర్‌ అసిస్ట్‌ సిస్టమ్స్‌, ఆటోప్లే మ్యూజిక్‌ సిస్టమ్స్‌, అతిపెద్ద స్క్రీన్‌, సన్‌రూఫ్స్‌, అడ్వాన్స్‌ టెక్నాలజీకి పెద్దపీట వేస్తున్నారు.
• జీరో డౌన్‌ పేమెంట్‌తో ఫైనాన్స్‌కు తీసుకునేవారి సంఖ్య నగరంలో 142 శాతం పెరిగారు. ఈ ఏడాది ఏప్రిల్‌-జూన్‌ మధ్యకాలంలో నగరంలో రూ.103 కోట్ల విలువైన వాహనాలను సంస్థ విక్రయించింది.
• వ్యాపార విస్తరణలో భాగంగా హైదరాబాద్‌లో మూడు ఔట్‌లెట్లు ఉండగా, వచ్చే నెలలో మరో ఔట్‌లెట్‌ను ప్రారంభిస్తున్నది సంస్థ.