బీవోబీ లాభం 4,458 కోట్లు

ప్రభుత్వరంగ సంస్థ బ్యాంక్‌ ఆఫ్‌ బరోడా(బీవోబీ) రాణించింది. ప్రస్తుత ఆర్థిక సంవత్సరం తొలి త్రైమాసికానికిగాను స్టాండలోన్‌ ప్రతిపాదికన రూ.4,458 కోట్ల నికర లాభాన్ని గడించింది. మొండి బకాయిలు తగ్గుముఖం పట్టడం వల్లనే అంతక్రితం ఏడాది ఇదే త్రైమాసికంలో వచ్చిన రూ.4,070 కోట్ల లాభం కంటే 10 శాతం వృద్ధిని నమోదు చేసుకున్నది.

• క్యూ1లో 10 శాతం వరకు పెరిగిన ప్రాఫిట్‌

న్యూఢిల్లీ, జూలై 31: ప్రభుత్వరంగ సంస్థ బ్యాంక్‌ ఆఫ్‌ బరోడా(బీవోబీ) రాణించింది. ప్రస్తుత ఆర్థిక సంవత్సరం తొలి త్రైమాసికానికిగాను స్టాండలోన్‌ ప్రతిపాదికన రూ.4,458 కోట్ల నికర లాభాన్ని గడించింది. మొండి బకాయిలు తగ్గుముఖం పట్టడం వల్లనే అంతక్రితం ఏడాది ఇదే త్రైమాసికంలో వచ్చిన రూ.4,070 కోట్ల లాభం కంటే 10 శాతం వృద్ధిని నమోదు చేసుకున్నది.

ఏడాది క్రితం రూ.29,878 కోట్లుగా ఉన్న బ్యాంక్‌ ఆదాయం గత త్రైమాసికానికిగాను రూ. 32,116 కోట్లకు ఎగబాకినట్లు బ్యాంక్‌ సీఈవో, ఎండీ డీ చంద్‌ తెలిపారు. దీంట్లో వడ్డీల రూపంలో రూ.29,629 కోట్ల ఆదా యం సమకూరింది.

• కన్సాలిడేటెడ్‌ నికర లాభం 6.19 శాతం ఎగబాకి రూ. 4,727.81 కోట్లకు చేరుకున్నది.
• కోర్‌ నికర వడ్డీ ఆదా యం 5.5 శాతం వృద్ధిని నమోదు చేసుకోగా, నికర వడ్డీ మార్జిన్‌ 0.09 శాతం పెరిగి 3.18 శాతానికి చేరుకున్నది.
• మౌలిక, రెన్యూవబుల్‌, డాటా సెంటర్ల విభాగాల నుంచి రుణాలకు అధిక డిమాండ్‌ ఉందని పేర్కొంది.
• కొత్తగా రూ.3,018 కోట్ల రుణాలు మొండి బకాయిల జాబితాలోకి చేరాయి.
• మొండి బకాయిలను పూడ్చుకోవడానికి బ్యాంక్‌ కేటాయింపులు ఏడాది ప్రాతిపదికన 25 శాతం తగ్గి రూ.1,011కోట్లకు చేరుకున్నాయి.
• బ్యాంక్‌ స్థూల నిరర్థక ఆస్తుల విలువ 3.51 శాతం నుంచి 2.88 శాతానికి దిగిరాగా, నికర ఎన్‌పీఏ కూడా 0.78 శాతం నుంచి 0.69 శాతానికి దిగొచ్చాయి.