Audi company director | ట్రెక్కింగ్ చేస్తూ 10వేల అడుగుల లోయలో ప‌డ్డ ప్ర‌ఖ్యాత కార్ల కంపెనీ డైరెక్ట‌ర్‌..

Audi company director | మన దేశంలో చాలామంది వృద్ధులు నడవడానికే మరొకరి సాయం తీసుకుంటారు. ఇటలీలో ఓ బిజినెస్ మ్యాన్ 62ఏళ్లలో ట్రెక్కింగ్ చేస్తూ ప్రమాదవశాత్తు మరణించాడు. అతనొవరో కాదు ఫేమస్ ఆడి కార్ల కంపెనీ ఎగ్జిక్యూటివ్. 62ఏళ్ళ వయసులో కూడా ఫిట్‌గా ఉండి..

Audi company director | ఇటలీలో ఆడి కార్ల కంపెనీ ఎగ్జిక్యూటివ్ ఫాబ్రిజియో లాంగో ప్రమాదవశాత్తు పెద్ద లోయలో పడి చనిపోయాడు. అతనికి 62ఏళ్లు అయినా అడ్వేచర్స్ అంటే చాలా ఇష్టం. ఫాబ్రిజియో వీకెండ్ ట్రెక్కింగ్ కోసం సెప్టెంబర్ 1న ఇటలీ, స్విస్ దేశాల సరిహద్దలో ఉన్న కొండ ప్రాంతానికి వెళ్లాడు. దురదృష్టవశాత్తు అతను ట్రెక్కింగ్ చేసేటప్పుడు 10 వేల అడుగుల ఎత్తైన కొండ నుంచి జారి పడ్డాడు. పర్వతారోణ సమయంలో అన్ని జాగ్రత్తలు తీసుకున్నప్పటికీ అకస్మాత్తుగా పట్టుతప్పాడు.

ఎమర్జెన్సీ సర్వీస్ కోసం అతనితోపాటు ఉన్న వ్యక్తి సంబంధిత అధికారుల‌కు స‌మాచారం అందించ‌డంతో హెలికాఫ్టర్‌లో వచ్చిన రెస్క్యూ బృందం అతన్ని 700 అడుగుల లోతులో చిక్కుకుని ఉండటం గమనించారు. అప్పటికే ఆయన చనిపోయిన‌ట్టు గుర్తించిన రెస్క్యూ అధికారులు మృతదేహాన్ని ఇటాలియన్ పట్టణంలోని కారిసోలోకు తరలించారు.

 

BREAKING: Audi boss Fabrizio Longo dies in horror fall off 10,000ft Italian mountainhttps://t.co/QeO3f6MBEe pic.twitter.com/K6z2wMFLDH

— Mirror Breaking News (@MirrorBreaking_) September 2, 2024

ఫాబ్రిజియో 1987లోనే ఆటో మొబైల్ రంగంలో తన కెరీర్‌ను ప్రారంభించాడు. అప్పటి నుంచి లాన్సియా, ఫియట్‌ వంటి కంపెనీల్లో ఆయన వర్క్ చేశారు. 2012లో ఆడి కంపెనీలో చేరగా.. ఒక సంవత్సరానికే డైరెక్టర్‌గా ప్రమోషన్ పొందాడు. ఫాబ్రిజియో మృతి పట్ల కొందరు ఆడి కంపెనీ ఇటలీ ఉద్యోగులు సంతాపం తెలిపారు. అతను ఒక గొప్ప సమగ్రత కలిగిన వ్యక్తి అని అతని ధైర్యసాహసాలను గుర్తుచేసుకున్నారు.