Visit:
ముంబై: వ్యాపార‌వేత్త ఆనంద్ మ‌హేంద్ర త‌న ట్వీట్ల‌తో ఎప్పుడూ ప్రేర‌ణాత్మ‌క సందేశాల‌ను ఇస్తుంటారు. అయితే తాజాగా చేసిన ఓ ట్వీట్‌లో ఆయ‌న.. వ్యాపారంలో ఉండే కీల‌క‌మైన స్కిల్‌ను షేర్ చేశారు. ఓ కుక్క పిల్ల డోర్‌ను నెట్టే వీడియోను పోస్టు చేసిన ఆయ‌న.. ఆ వీడియోకు ఆస‌క్తిక‌ర‌మైన ట్యాగ్‌లైన్ పెట్టాడు. మూసి ఉన్న గ్లాసు డోర్‌ను నెట్టుతూ ఉన్న ఓ శున‌కం కెమెరాకు చిక్కింది. చివ‌ర‌కు డోరు తీసిన త‌ర్వాత ఆ కుక్క పిల్ల ప‌రుగులు తీసింది. మ‌న‌కు అలవాటైన ప‌ద్ధ‌తిలో వెళ్ల‌డం కాదు.. వ్యాపారులు నేటి కాలంలో స్వేచ్ఛ‌గా దారులు వెతుక్కోవాల‌ని ఆయ‌న సూచించారు. ఆనంద్ మ‌హేంద్ర చేసిన ట్వీట్‌ను నెటిజెన్లు ఆహ్వానిస్తున్నారు. ఆన్‌లైన్‌లో ఆ ట్వీట్‌ను పోస్టు చేసిన కొన్ని రోజుల్లోనే మూడువేల లైక్‌లు వ‌చ్చాయి. అనేక మంది రీట్వీట్ చేశారు. జీవితంలో మార్పుల‌కు సిద్ధంగా ఉండాల‌ని కొంద‌రు సూచించారు.
