Amazon Prime Day Sale 2024 | అమెజాన్ ప్రైమ్ డే సేల్స్ వచ్చేసింది.. 55 శాతం వరకూ డిస్కౌంట్లు.. !

Amazon Prime Day Sale 2024 | Amazon Prime Day Sale 2024 | ప్రముఖ ఈ-కామర్స్ ప్లాట్‌ఫామ్ అమెజాన్ ప్రైమ్ డే సేల్స్ తేదీ ప్రకటించింది. ఈ నెల మూడో వారంలో అమెజాన్ ప్రైమ్ డే సేల్స్ నిర్వహిస్తారు.

July 2, 2024 / 05:28 PM IST

Amazon Prime Day Sale 2024 | అమెజాన్ ప్రైమ్ డే సేల్స్ వచ్చేసింది.. 55 శాతం వరకూ డిస్కౌంట్లు.. !

Amazon Prime Day Sale 2024 | ప్రముఖ ఈ-కామర్స్ ప్లాట్‌ఫామ్ అమెజాన్ ప్రైమ్ డే సేల్స్ తేదీ ప్రకటించింది. ఈ నెల మూడో వారంలో అమెజాన్ ప్రైమ్ డే సేల్స్ నిర్వహిస్తారు. రెండు రోజుల పాటు ఆన్ లైన్ లో జరిగే విక్రయాల్లో స్మార్ట్ ఫోన్లు మొదలు ఫ్యాషన్, అప్పారెల్ తదితర ఉత్పత్తులపై విస్తృత శ్రేణి డిస్కౌంట్లు అందుబాటులో ఉన్నాయి. సెలెక్టెడ్ బ్యాంకుల క్రెడిట్ లేదా డెబిట్ కార్డులు, ఈఎంఐ లావాదేవీల ద్వారా కొనుగోలు చేసిన వారికి పేమెంట్స్ లో అదనపు డిస్కౌంట్లు లభిస్తాయి. ఈ నెల 20 న 12.00 గంటలకు మొదలై అమెజాన్ ప్రైమ్ డే సేల్స్ 21 అర్ధరాత్రి ఆదివారం 11.59 గంటల వరకూ అందుబాటులో ఉంటుంది. ఇంటెల్, శాంసంగ్, వన్ ప్లస్, ఐక్యూ, హానర్, సోనీ, అసుస్ వంటి టెక్ దిగ్గజ కంపెనీలు సహా 450కి పైగా బ్రాండ్లపై ఉత్పత్తులపై డిస్కౌంట్లు అందిస్తోంది.

అమెజాన్ ప్రైమ్ డే 2024 సేల్స్ లో భాగంగా ఐసీఐసీఐ బ్యాంకు డెబిట్ లేదా క్రెడిట్ కార్డులు, ఈఎంఐ లావాదేవీలు, ఎస్బీఐ క్రెడిట్ కార్డులు, క్రెడిట్ కార్డులతో ఈఎంఐ లావాదేవీలపై 10 శాతం డిస్కౌంట్ లభిస్తుంది. అమెజాన్ పే ఐసీఐసీఐ క్రెడిట్ కార్డుపై రూ.2500 క్యాష్ బ్యాక్, అమెజాన్ ప్రైమ్ మెంబర్లకు రూ.300లతోపాటు సేల్స్ లో రూ.2,200 విలువ గల రివార్డు పాయింట్లు లభిస్తాయి.

ఎకో స్మార్ట్ స్పీకర్లు, ఫైర్ టీవీ స్టిక్స్ మీద 55 శాతం డిస్కౌంట్ లభిస్తుంది. అమెజాన్ ప్రైమ్ డే సేల్స్ లో బుక్ చేసుకున్న వారికి అదే రోజు గానీ, మరుసటి రోజు గానీ డెలివరీ చేస్తామని తెలిపింది. అయితే అమెజాన్ ప్రైమ్ డే సేల్ -2024 కేవలం ప్రైమ్ మెంబర్లకు మాత్రమే వర్తిస్తుంది. నెలకు అమెజాన్ ప్రైమ్ మెంబర్ షిప్ ఫీజు రూ.299, మూడు నెలలకు రూ.599, ఏడాదికి రూ.1499, అమెజాన్ ప్రైమ్ షాపింగ్ ఎడిషన్ ప్లాన్ ఫీజు రూ.399 పే చేయాలి.