Mukesh Ambani | ప్రముఖ పారిశ్రామిక వేత్త, రిలయన్స్ ఇండస్ట్రీస్ అధినేత ముకేశ్ అంబానీ (Mukesh Ambani) ఇంట సందడి వాతావరణం నెలకొంది. ముకేశ్-నీతాల పెద్ద కుమారుడు ఆకాశ్ అంబానీ (Akash Ambani) – శ్లోకా మెహతా (Shloka Mehta) దంపతులు రెండో సారి తల్లిదండ్రులయ్యారు. శ్లోకా మెహతా బుధవారం పండంటి ఆడబిడ్డకు జన్మనిచ్చింది.
ఆకాశ్-శ్లోకా 2019 మార్చిలో వివాహం చేసుకున్నారు. వీరి వివాహం ముంబైలో అంగరంగం వైభవంగా జరిగింది. ఈ జంటకు 2020 డిసెంబర్లో కుమారుడు పుట్టాడు. ప్రస్తుతం కుమారుడి వయసు రెండేళ్లు. ఇప్పుడు రెండోసారి అమ్మాయి పుట్టడంతో ఆ ఇంట పండగ వాతావరణం నెలకొంది.
ఈ ఏడాది ఏప్రిల్లో జరిగిన నీతా ముఖేశ్ అంబానీ కల్చరల్ (Nita Mukesh Ambani Cultural Centre) సెంటర్ ప్రారంభోత్సవంలో శ్లోకా బేబీ బంప్ (Baby Bump)తో కనిపించిన విషయం తెలిసిందే. అంతేకాదు ఇటీవల తన మామ ముకేశ్ అంబానీ, భర్త, కుమారుడితో కలిసి ముంబైలోని సిద్ధి వినాయక ఆలయాన్ని (Siddhivinayak Temple) దర్శించుకుని ప్రత్యేక పూజలు చేశారు.
Also Read..
Rahul Gandhi | అమెరికాలో రాహుల్కు నిరసన సెగ.. కాంగ్రెస్ నేతకు వ్యతిరేకంగా నినాదాలు
Priyanka Chopra | ఆ సినిమా అనుభవం పరమచెత్త.. ఇష్టం లేకుండానే అందులో నటించా : ప్రియాంక చోప్రా