ఏఐతో రూ.1.13 లక్షల కోట్లు..!

కృత్రిమ మేధస్సు (ఏఐ) సేవల నుంచి భారతీయ ఐటీ సేవల రంగం ఇప్పటికే రూ.1.13 లక్షల కోట్ల వ్యాపారం సృష్టించిందని ఇండస్ట్రీ సంఘం నాస్కామ్‌ అంచనా వేసింది. దాదాపు 25 శాతం కంపెనీలు.. తమ ఉత్పత్తిలో ఏఐతో ప్రయోగాలు చేస్తున్నాయని వివరించింది.

న్యూఢిల్లీ, జూన్‌ 26 : కృత్రిమ మేధస్సు (ఏఐ) సేవల నుంచి భారతీయ ఐటీ సేవల రంగం ఇప్పటికే రూ.1.13 లక్షల కోట్ల వ్యాపారం సృష్టించిందని ఇండస్ట్రీ సంఘం నాస్కామ్‌ అంచనా వేసింది. దాదాపు 25 శాతం కంపెనీలు.. తమ ఉత్పత్తిలో ఏఐతో ప్రయోగాలు చేస్తున్నాయని వివరించింది.

ఈ క్రమంలోనే సంప్రదాయ ఐటీ సర్వీసుల ప్రాముఖ్యతను ఏఐ తగ్గిస్తుందన్న ఆందోళనలను నాస్కామ్‌ కొట్టివేసింది. న్యూయార్క్‌ నగరంలో జరిగిన నాస్కామ్‌ అమెరికా సీఈవో ఫోరంలో ఐటీ పరిశ్రమ ప్రతినిధులు మాట్లాడుతూ.. ప్రస్తుత ఏఐ శకంలోనూ సంప్రదాయ ఐటీ రంగం కీలకమేనన్నారు.