వడోదర: గుజరాత్ వడోదర జిల్లాలోని కెలాన్పూర్ ఏరియాలో బహుళ అంతస్తుల భవన నిర్మాణం పనులు కొనసాగుతున్నాయి. ప్రస్తుతం భవనం కోసం తవ్విన భారీ గుంతలో పిల్లర్లను నిర్మిస్తున్నారు. అయితే ఎక్కడి నుంచి వచ్చిందోగానీ ఇవాళ ఆ గుంతలో భారీ మొసలి ప్రత్యక్షమైంది. దాదాపు 11 అడుగుల పొడవున్న ఆ మొసలిని చూసి కార్మికులు భయాందోళనకు గురయ్యారు. వెంటనే వడోదరలోని వైల్డ్ లైఫ్ రెస్క్యూ ట్రస్ట్ వారికి సమాచారం ఇచ్చారు. వాళ్లు వచ్చి మొసలిని బోనులో బంధించి అటవీ అధికారులకు అప్పగించడంతో అంతా ఊపిరి పీల్చుకున్నారు.