Buddha Venkanna | ఇప్పటికైనా బుద్ధి తెచ్చుకో.. పెద్దిరెడ్డికి టీడీపీ నేత బుద్ధా వెంకన్న వార్నింగ్‌

Buddha Venkanna | వైసీపీ నేతలు పెద్దిరెడ్డి రామచంద్రారెడ్డి, మిథున్‌రెడ్డిపై టీడీపీ నేత బుద్ధా వెంకన్న సంచలన వ్యాఖ్యలు చేశారు. గతంలో చంద్రబాబు పుంగనూరు వచ్చినప్పుడు ఆయనపై దాడులు చేయించారని ఆరోపించారు. ప్రజల కోసం పనిచేసే తమ నాయకుడికి భయం లేదని.. దోచుకున్న మీకు భయం కాబట్టే పారిపోతున్నారని విమర్శించారు.

Buddha Venkanna | వైసీపీ నేతలు పెద్దిరెడ్డి రామచంద్రారెడ్డి, మిథున్‌రెడ్డిపై టీడీపీ నేత బుద్ధా వెంకన్న సంచలన వ్యాఖ్యలు చేశారు. గతంలో చంద్రబాబు పుంగనూరు వచ్చినప్పుడు ఆయనపై దాడులు చేయించారని ఆరోపించారు. ప్రజల కోసం పనిచేసే తమ నాయకుడికి భయం లేదని.. దోచుకున్న మీకు భయం కాబట్టే పారిపోతున్నారని విమర్శించారు. అందుకే నిన్న మిమ్మల్ని అడగడానికి వస్తే మిథున్‌ రెడ్డి రాళ్లతో దాడి చేయించారని అన్నారు.

దోచుకోమని పెద్దిరెడ్డి కుటుంబానికి వైఎస్‌ జగన్‌ మైనింగ్‌ అప్పగించారని బుద్ధా వెంకన్న ఆరోపించారు. దొంగ చేతికి తాళం ఇచ్చారు కాబట్టే సంపద మొత్తం దోచేశారని విమర్శించారు. పెద్దిరెడ్డి వేల కోట్లు అక్రమంగా దోచేశాడని అన్నారు. అధికార, ధన బలంతో పెద్ది రెడ్డి కుటుంబం విర్రవీగిందని.. ఆ అరాచకాలు చూడలేకనే ప్రజలు తిరగబడుతున్నారని తెలిపారు.

డబ్బు మదంతో తండ్రీకొడుకులు దాడులు చేస్తున్నారని బుద్ధా వెంకన్న మండిపడ్డారు. చంద్రబాబు, పవన్‌ కల్యాణ్‌ను ఓడించడానికి డబ్బులు వెదజల్లారని విమర్శించారు. మాజీ మంత్రి పెద్దిరెడ్డి, మిథున్‌ రెడ్డి కుట్రలను ప్రజలు తిప్పికొట్టారని చెప్పారు. చంద్రబాబు దాడి చేయించారని చెప్పడం స్గిగు చేటు అని అన్నారు. నిజంగా మేం తలచుకుంటే మీరు ఇలా తిరుగుతారా? అని ప్రశ్నించారు. తమ నాయకుడు సంయమనంతో ఉండాలని చెప్పారని.. కాబట్టే సైలెంట్‌గా ఉన్నామన్నారు. లోకేశ్‌ రెడ్‌బుక్‌ పేరు చెబితేనే భయపడుతున్నారని.. ఆ బుక్‌లో పేర్లు ప్రకటిస్తే ఇక మీ పరిస్థితి ఏంటి అని ఎద్దేవా చేశారు. ఇప్పటికైనా బుద్ధి తెచ్చుకోవాలని పెద్దిరెడ్డికి సూచించారు.