Visit:
విజయవాడ: వైజాగ్ స్టీల్ ప్లాంట్, సింగరేణి బొగ్గు గనులు మినహా తెలుగు రాష్ట్రాలకు కేంద్ర బడ్జెట్‌లో పెద్దగా కేటాయింపులు జరగలేదు. రాష్ట్ర పునర్వ్యవస్థీకరణ చట్టంలో పేర్కొన్న విద్యాసంస్థల్లో కేంద్ర, గిరిజన, వైజాగ్ పెట్రోలియం యూనివర్సిటీలు మినహా ఇతర సంస్థలకు ప్రత్యేక కేటాయింపులు చేయలేదు. దేశవ్యాప్తంగా ఉన్న ఐఐటీ, ఐఐఎం, ఐఎస్‌ఐఎస్‌, ఏఐటీ, ట్రిపుల్‌ ఐటీ, ఎయిమ్స్‌, నేషనల్‌ ఇన్‌స్టిట్యూట్‌ ఆఫ్ డిజైన్‌లకు కేంద్రం నిధులు ప్రకటించింది. ఈ నేపథ్యంలో ఏపీ, తెలంగాణల్లోని ఇన్‌స్టిట్యూట్‌లకు ప్రత్యేకంగా ఎంత నిధులు వస్తాయనే దానిపై స్పష్టత లేదు.
కేంద్ర ప్రభుత్వం ఉన్నత విద్యా సంస్థల నిర్మాణానికి సంస్థాగత నిధులను బడ్జెట్‌లో చూపలేదు. ఉన్నత విద్యా ఫైనాన్సింగ్ ఏజెన్సీ నుంచి రుణాలు తీసుకొని తిరిగి చెల్లిస్తున్నారు. దీంతో నిధులు ఏ మేరకు పెరిగాయనే విషయంపై స్పష్టత లేదు. అయితే, కేంద్రం రూ.కోటి కేటాయించినట్లు సమాచారం. ప్రైవేటీకరణ దిశగా అడుగులు వేస్తున్న విశాఖపట్నం స్టీల్ ప్లాంట్‌కు బడ్జెట్‌లో రూ.910 కోట్లు కేటాయించింది. వెనుకబడిన జిల్లాలతోపాటు దుగరాజపట్నం పోర్టు తదితర హామీలకు నిధులు కేటాయించలేదు. విశాఖలోని ఇండియన్ ఇనిస్టిట్యూట్ ఆఫ్ పెట్రోలియం, ఎనర్జీ యూనివర్సిటీకి రూ.150 కోట్లు, వైజాగ్ పోర్ట్ ట్రస్టుకు రూ.207 కోట్లు కేటాయించారు. గత బడ్జెట్‌తో పోలిస్తే కేంద్ర పన్నుల్లో రాష్ట్ర వాటా పెరిగింది.
